SAMUEL 2 19:22 - Alkitab Singog In Mongondow Masa In Tanaa

²² Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

SAMUEL 2 19:22 Mawu Ofanana

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

SAMUEL 2 16:5

Naonda in ki Daud nodapot kon Bahurim, namangoidon in intau tobatú nongkon tampat tatua, bo kodiug-kodiug kon paanan i datu, nogodi-godimai in sia kon i Daud. Tangoinea in intau tatua in ki Simei adí i Gera, nongkon inanakan i Saul.

SAMUEL 2 16:9

Ki Abisai ki ai-ai i Yoab adí i Zeruya, in noguman kon i datu, “Nongonu sin pomayábí mako i Tuang in mononuyayow tatua mogodi-godimai kon i Tuang? Pomayádon mako in bobantung naa mongingguḷu kon inia!”

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

YESAYA 16:5

Onda intua intau tobatú nongkon buí i Daud in mobaḻí datu, bo sia in momarenta kon bangusanea podoyon kon tabi bo satia. Sia in moposindog in inta moadil bo moḷamemet in mogaid kon inta mobanar.)

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

SAMUEL 1 11:13

Táe ki Saul noguman, “Tobatúmai in diábí motaau ḻimodon singgai in naa, sin kon singgai in naa ki Tuhan ain noposaḷamat kon Israel.”

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

SAMUEL 1 26:8

Bo noguman in ki Abisai kon i Daud, “Ki Allah in noposarakan in musungmu kon inimu in doḷom naa. Ogoidon in akuoi mopopakú in pandongnea tontaní kon awaknea poḷambaion in butá, ḻimodonku in sia takin tongá komintan tumbukon, dikadon dapot in kodua!”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.