SAMUEL 2 19:13 - Alkitab Singog In Mongondow Masa In Tanaa

¹³ Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 19:13 Mawu Ofanana

KINOBAḺIAN 29:14

Ki Laban in noguman, “Totuu, kon iko nion in ginaḷumku inta modagin totok.” Ki Yakub nogutun kon baḷoi tatua notompodon in tobuḷan.

SAMUEL 2 17:25

Ki Absalom ain noduí kon i Amasa nobaḻí tongguḷu in tontara nonoḻiu kon i Yoab. Ki Amasa adí i Yitra intau in Ismael; ki inánea tangoinea in ki Abigail adí i Nahas, inta ki utat bobay i Zeruya ki iná i Yoab.)

SAMUEL 2 18:11

Ki Yoab in notubag, “Onu? Inontongmu in sia? Nongonu sin diábí ḷagi iḻimodmu? Notantú bidon kon ogoianku in doit saḷaka mopuḷú in iko bo bogot in ogotan tobatú.”

SAMUEL 2 20:4

Ki datu in nomarenta kon i Amasa, “Sipundon in intau in Yohuda bo angoi in naa moyotakin monia kon bonu in toḷu nosinggai.”

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

SAMUEL 2 5:1

Nopaḷut mako kon tua namangoidon in bayongan itoi in suku mita in Israel kon i Daud kon Hebron bo noguman kon inia, “Kami naa in uputpabí in kompong i Tuang.

SAMUEL 2 8:16

Naa in pomarenta mita moḷantud inta dinuí i Daud: Tongguḷu totokan in tontara: Ki Yoab adí i Zeruya; Momomais in komaḻig: ki Yosapat adí i Ahilud; Imang mita: ki Zadok adí i Ahitub, bo ki Ahimelek adí i Abyatar; Momomais in negara: ki Seraya

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

TAWARIKH 1 12:18

Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.

RUT 1:17

Kon ondakabí in kopatoian i Iná, yo kon tua doman in kopatoianku bo poḷobongan kon inakó. Igumon mako ki Tuhan mohukum kon inakó kobogaton totok, aka akuoi moibog moyoguat i Iná, koḻikudbí in popatoi in mopoyoguat kon i naton!”