SAMUEL 2 19:10 - Alkitab Singog In Mongondow Masa In Tanaa

¹⁰ Ki Absalom in dinuídon naton datu, táe tanaa in minatoidon in sia kon pinoparangan. Nongonu sin diábí tobatúmai in moḷongasi modia mangoi bui kon i Datu Daud?”

SAMUEL 2 19:10 Mawu Ofanana

SAMUEL 2 15:14

Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

SAMUEL 2 15:16

Bo nobuatdon in ki datu kotaki-takin in bayongan motoḷuadínea bo pogawainea, koḻikudon in mopuḷú in buḷoi inta diá inikanea inta sinaḷáannea sin moḷukad kon komaḻig.

SAMUEL 2 18:14

“Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 19:11

Tosingogon mita tatua in noyaput domandon kon i Datu Daud. Tuamai in nopotabá in sia kon i Imang Zadok bo kon i Imang Abyatar bo noḻibó kon itoi mita in Yohuda nanaa, “Nongonu sin moiko in totokbí in tumi-tumimai motomu bo moyotakin i datu mobui kon komaḻignea?

SAMUEL 2 19:40

Bayongan tontara in Yohuda bo tongobotak in tontara in Israel sinumakin kon i datu iḷumoḷan kon ongkag. Noiduduimai kon tua ki datu minayádon ná Gilgal, bo ki Kimham in dinumudui kon inia.

SAMUEL 2 19:9

Kon bonu in bayongan suku in Israel nomukádon in bobayowan. Guman monia, “Ki Datu Daud ain noposaḷamat kon inaton nongkon intau in Pilistin bo nopoḷuatdon kon inaton nongkon musung mita ibanea, táe tanaa in sia in noḷaguidon kon i Absalom bo nonaḷámai kon butá tanaa.

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

HAKIM MITA 18:9

Dá mosia in noguman, “Koḻigai tubuon naton in Lais. Kami in minayádon intua, bo inontongdon nami kon butánea in mopia, mooḷad bo nooyúon, bayongan in yagi-yagi komintan oyúon. Dika tongá umuran kon naa bo kibio-biómai. Koḻikatdon mayá intua bo mogagow kon butá tatua. Kobayáanmai monimu yo intau mita kon tua in diábí mosangka-sangka kon mosia in tubuon. Noyakin bidon in kami kon ki Allah in nobogoi bidon in butá tatua kon i monimu.”