SAMUEL 2 18:31 - Alkitab Singog In Mongondow Masa In Tanaa

³¹ Onda intua noiyaputdon in ata i Yoab tatua, bo noguman kon i datu, “Ata naa in nodia kon habar mopia kon i Tuang datu! Singgai in naa ki Tuhan ain nobogoi kon i Tuang in kauntungan kon bayongan in intau inta nomarontak.”

SAMUEL 2 18:31 Mawu Ofanana

SAMUEL 2 18:19

Onda intua ki Ahimaas adí i Zadok nogumandon kon i Yoab, “Ogoipa in akuoi moribatuk mayá mokipodungkuḷ kon i datu bo modia kon habar mopia kon ki Tuhan ain noposaḷamat kon i Tuang nongkon musungnea.”

SAMUEL 2 18:28

Takin nomaḷú in ki Ahimaas nopoyaput in salam kon i datu, bodongka sinumungkud bo noguman, “Dinayo-dayowdon in ki Tuhan Allah i Tuang, inta ain noposarakan kon i Tuang in intau mita inta nomarontak kon i Tuangku!”

SAMUEL 2 18:30

“Sindogdon kon dotá intua,” guman i datu; dá ki Ahimaas in minayá ná sí bo sinimindog kon tua.

MAZMUR 58:10

Kon dodai in diápa kinotaauan, nodaitdon muna in mosia, naonda bo bonok dugi inta noḷunowpa bo diápa noḷantud nodait pinoḷayug in tompot, naonda bo pinomuḷa noingkag.

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.