SAMUEL 2 18:21 - Alkitab Singog In Mongondow Masa In Tanaa

²¹ Onda intua ki Yoab noguman kon atanea intau in Sudan, “Bayádon potaau kon i datu in onu inta ain inontongmu.” Ata tatua in sinumungkud nosumba bodongka minayá noribatuk.

SAMUEL 2 18:21 Mawu Ofanana

SAMUEL 2 18:20

“Dika,” guman i Yoab, “bain komintanmaidon. Singgai naa in diábí motaau in iko modia kon habar, sin ki adí ḷoḷaki i datu in minatoidon.”

SAMUEL 2 18:22

Táe ki Ahimaas in nomakisa kon i Yoab, “Onuka in mobaḻí, ogoi domandon in akuoi mopoyaput in habar.” “Nongonu sin iko in totokbí in momakisa kon mayá doman, adíku?” ki Yoab noḻibó. “Iko in diábí motarima kon tondan intua.”

SAMUEL 2 18:23

“Diábí nongonu,” guman i Ahimaas bui, “Mayábí in akuoi.” “Aka natua, yo bayádon,” guman i Yoab. Dá noribatukdon in ki Ahimaas nongin daḷan inta tumaḻib kon Ḷopá in Yordan, bo diá noonggot kon tua kinotaḻibanneadon in ata intau in Sudan koina.

SAMUEL 2 18:31

Onda intua noiyaputdon in ata i Yoab tatua, bo noguman kon i datu, “Ata naa in nodia kon habar mopia kon i Tuang datu! Singgai in naa ki Tuhan ain nobogoi kon i Tuang in kauntungan kon bayongan in intau inta nomarontak.”