SAMUEL 2 15:25 - Alkitab Singog In Mongondow Masa In Tanaa

²⁵ Bo ki datu in nogumandon kon i Zadok, “Pobuidon in Poti Dodandian tatua kon kotá. Aka ki Tuhan in moibogpa kon inakó, yo notantúbí kon ogoi-Neapabí mobui mangoi bo mokoontongpa bui kon Poti Dodandian tatua takin tampatnea.

SAMUEL 2 15:25 Mawu Ofanana

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 122:9

Podoyon kon Baḷoi Tuhan, Allah naton, akuoi in mosambayang sinbá mosanang in iko.

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

IḶUAIAN 15:13

Iko in nodia kon bangusa inta ain pinosaḷamat-Mu naa, sin onu in pinodandi-Mu tua doman in aidan-Mu. Ropot-Mu moḷoben pinogoḻingoi-Mu kon i monia, bo poḷat dinia-Mu pinobayá in butá-Mu inta motusi naa.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

IḶUAIAN 33:13

Aka natua, dá potaaudon kon inakó onu in tomayá-Mu, Tuhan, sinbá akuoi in motaau mogaid kon oaidan-Mu bo umuran moposanang kon gina-Mu. Torop domandon kon bangusa tanaa ain piniḻí-Mu nobaḻí kapunyaan-Mu.”

YEREMIA 25:30

Bayongan inta ain pinoguman-Ku kon inimu, ei Yeremia, mustibí potaaumu. Pogumandon kon i monia, ‘Singog i Tuhan in noguman noḷangon nongkon soroga; nongkon pinogutunan-Nea inta motusi Sia in nonggotup noḷawang kon umat-Nea. Bayongan in intau kon dunia in nokodongog kon kokow-Nea naonda bo mogogaid inta nomugut kon anggur kon pomomugutan.

YEREMIA 7:4

Dikabí mopirisaya kon intau mouboḷ inta moguman, ‘Kita in noaman, sin naa in Baḷoi Tuhan. Totuu kon naa in Baḷoi Tuhan!’