SAMUEL 2 14:32 - Alkitab Singog In Mongondow Masa In Tanaa

³² Tubag i Absalom, “Popisí in doí in iko mamangoi wakutu in pinoki oiníku. Akuoi in moibog mopotabá kon inimu mayá kon tayowon i datu bo mopotaau in tosingogonku tanaa, ‘Onubí in mangaḻenea akuoi in nonaḷámai kon Gesur bo nobui mangoi kon naa? Maníka nogutundon in akuoi kon tua.’ ” Bo guman doman i Absalom bui, “Ḷongasidon sinbá motaau in akuoi mayá kon tayowon i datu, bo aka akuoi tantúpa doman inanggap kotaḷá, yo mosadiabí in akuoi hukumon matoi.”

SAMUEL 2 14:32 Mawu Ofanana

KINOBAḺIAN 3:12

Ḷoḷaki tatua in notubag, “Bobay inta inogoi-Mu sin motuḷung, sia tua in nobogoi kon inakó in bungai in kayu tatua, bo kinaanku domandon.”

SAMUEL 2 13:37

Ki Absalom in noḷagui minayá in komaḻig in datu in butá in Gezur, inta ki Talmai adí i Amihur. Nogutun in sia kon tua toḷu notaong in koonggotnea. Noonggot in pinonogumatoian i Daud kon kinopatoian i Amnon,

SAMUEL 2 14:31

Dá namangoidon in ki Yoab kon baḷoi i Absalom bo noḻibó, “Nongonu sin intaumu mita in nonurubí kon gobáku?”

SAMUEL 2 3:3

Ki Kileab. Ki inánea in ki Abigail, ki baḷú i Nabal nongkon Karmel. Ki Absalom. Ki inánea in ki Maakha, adí bobay i Datu Talmai nongkon Gesur.

MAZMUR 36:2

Dosa in mosingog kon bonu in gina in intau moraat, sia in beresibí diá moondok kon i Allah.

IḶUAIAN 14:12

Koḻipod kon Mesir aindon pinoguman nami kon soaḷ tanaa in mobaḻíbí! Kami ain noguman kon dikadon tuyayowon in kami, bo pomayádon mako umuran mobaḻí ata in kami kon Mesir. Sin maníka mobaḻí ata kon tua dika in matoi kon padang gurun tanaa!”

IḶUAIAN 16:3

Guman monia, “Maníka bo kami minatoidon iḻimod i Tuhan kon Mesir. Kon tua in kami moikaa-kaanbí doman kon ponoyá bo roti dapot in mobotug. Táe moiko ain nodia kon inami namangoi in naa sinbá kami komintan matoi in gogoy.”

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

MATIUS 25:44

Bo mosia in noḻibó kon i-Nia, ‘Tuhan, kon dodaibí in onda inontong nami in ki Tuhan ginogoy andeka noyogang, andeka namangoi saḷaku intau mokokiangoi, andeka diá nogiḷambung andeka notakit, andeka kon bonu in ponjara bo diá inangoi sinompia nami in ki Tuhan?’

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

SAMUEL 1 15:13

Naonda in ki Samuel noyodungkuḷ i Saul, ki Saul noguman kon inia, “Poigumon mako ki Tuhan momarakat kon i Amá! Akuoi ain nogaid kon onu inta pinarenta i Tuhan.”

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”