SAMUEL 2 14:20 - Alkitab Singog In Mongondow Masa In Tanaa

²⁰ Táe tua in inaidannea sin nopoyotutui kon pelekara tatua takin kopiaan. Ki Tuangku in intau inta mobijaksana naonda bo malaekat i Allah dá nonotaau kon bayongan inta nobaḻí.”

SAMUEL 2 14:20 Mawu Ofanana

KINOBAḺIAN 3:5

Ki Allah in noguman natua sin kinotaauan-Nea aka moiko mokaan kon bungainea tatua, yo raian monimu in mobukatdon; bo moiko motongkaidon i Allah bo monotaaudon kon onu inta mopia bo onu inta moraat.”

SAMUEL 2 14:17

Noyakinbí in akuoi kon dandi i Tuangku tatua in mokojaminbí kon kasaḷamatanku sin ki Tuangku naa in naonda bo malaekat i Allah, inta motaau mopoyoposi kon onu inta mopia bo onu inta moraat. Igumon mako ki Tuhan Allah i Tuangku koyota-yotakin i Tuangku!”

SAMUEL 2 18:13

Bo aka kuma bo iḻimodku in ki Absalom in koina, yo notantúbí kon kotaauan i datu, sin notantúbí kon ki datu in mokodongogbí kon bayongan in yagi-yagi – bo ki Tuang in notantúbí kon diábí mobela kon inakó.”

SAMUEL 2 19:27

Nodapot in pinoponapudannea akuoi in uboḷ kon i Tuang datu. Táe ki Tuang in naonda bo malaekat i Allah. Tuamai in pomiadon in onu inta mopia kon mata i Tuang datu.

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 5:23

Komintanpa doman bui in ki Daud nopoigum in topotundú kon i Tuhan. Tubag i Tuhan, “Dika monubu kon i monia nongkon naa, táe bayádon poḻibu bo tubudon in mosia nongkon tumi, kon diug in pangkoi mita in murbei.

AMSAL 26:28

Monguboḷ kon intau notongkaibí in moyaat in gina kon inia. Moburidilá mako mokopoangoi kon bodito.

AMSAL 29:5

Ki ine in moduí kon tumpaḷa intau, in motaanbí kon potait kon inia.

SAMUEL 1 29:9

Tubag i Akhis, “Kinotaauanmubí kon iko in inanggapkudon mosatia naonda bo malaekat i Allah. Táe tongguḷu totokan mita in tontara tatua ain nonatú kon singog kon iko in diábí motaau in dumudui moparang moyotakin nami.