SAMUEL 2 14:19 - Alkitab Singog In Mongondow Masa In Tanaa

¹⁹ Guman i datu, “Ki Yoab degá in nopotabá kon inimu?” Tubag in bobay tatua, “Podoyon kon nyawa i tuangku, bobantung in diábí momayow kon onu inta iḻibó i Tuangku. Totuubí Tuangku, ki Yoab ain nopotaau kon bobantung naa onu inta musti pomiaan bo singogon in bobantung naa.

SAMUEL 2 14:19 Mawu Ofanana

SAMUEL 2 11:11

Tubag i Uria, “Tontara in Israel bo Yohuda mopotarudon in kobiagan monia kon parang bo Poti Dodandian i Tuhan kotaki-takin monia; ki Yoab itoi nami takin porwiranea mita in nononḷoḷaigan kon tampat popoparangan. Yo umpaka akuoi in tongá mobui kon baḷoi, bo mongaan monginum poḷat mosiug takin i buḷoiku? Popisí in nyawa i Tuang bo nyawaku, yo diábí pomiaanku intua!”

SAMUEL 2 14:18

Ki Datu in notubag, “Oyúon in ḻibóonku kon inimu, tubagai takin gina motuḻid.” “Pogumandon mangoi Tuangku,” tubag in bobay tatua.

SAMUEL 2 14:3

Onda intua bayádon kon i datu, bo pogumandon kon inia nanaa.” Bo ki Yoab nopotaau kon inia onu in musti singogonnea.

SAMUEL 2 18:13

Bo aka kuma bo iḻimodku in ki Absalom in koina, yo notantúbí kon kotaauan i datu, sin notantúbí kon ki datu in mokodongogbí kon bayongan in yagi-yagi – bo ki Tuang in notantúbí kon diábí mobela kon inakó.”

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

SAMUEL 2 3:29

Pomayádon mako bá ki Yoabdon bo bayongan in motoḷuadínea in hukumon popisí in aidnea tatua. Poigumon mako sinbá kon bonu in motoḷuadí i Yoab takin buínea monag umuran oyúon in kotugatan in panyaki inta mokoondok, andeka ḷoḷaki inta moyempé, andeka inta matoi kon bonu in parang andeka inta kodaitan in kaanon!”

SAMUEL 2 3:34

Ḻimanea in diá sinogot, bo sioḷnea in diábí ginupit. Sia in minatoi kinotumbukan in intau mita inta moraat bo moromú.” Bo nodugangdon totok in uwang in bayongan rayat kon i Abner.

DATU MITA 2 2:2

bo kon daḷan ki Elia in noguman kon i Elisa, “Kon naapa. Akuoi in pinotabá i Tuhan mayá in Betel.” Táe ki Elisa in notubag, “Podoyon kon i Tuhan inta nobiag bo podoyon kon nyawa i Amá, akuoi in diábí monaḷámai kon i Amá.” Dá mosia in noyotakin nongingguput kon bobayáan nodapot in Betel.

IḶUAIAN 4:15

Pongongumandon takinnea bo potaaudon kon inia onu inta musti singogonnea. Akuoi in motuḷungbí kon i namunda bo motundú kon onu in musti singogon bo aidan.

AMSAL 25:2

Ki Allah pinoḷantud popisí in onu inta iharasia-Nea; datu in ihoromat popisí in onu in motaau ininsilangannea.

AMSAL 4:27

Popoyayú in inta moraat, bo kobiagdon mokopotuḻid in gina. Dika mokoimontanmai in tumabat nongkon daḷan inta moitutui.

PINOGIAPAN 20:17

Kami mopoigum kon i Tuang bá totabionpa kaasí i Tuang in kami bo ogoipa i Tuang tumaḻib mongin butá tanaa. Kami takin bobiagon mita nami in diábí ḻimimpat kon daḷan bo diábí doman tumuot kon gobá mita andeka gobá mita in anggur. Diábí in kami monginum kon tubig nongkon parigí mita i Tuangku. Kami in mayábí mongin daḷan moḷoben modapot in kami moiḷuai kon butá i Tuangku.”

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

ULANGAN 28:14

Tongá dika mokoimontanmai in monaḷámai kon parenta mita tatua naondaka in pogogaid. Dika doman mosumba bo mogundoi kon ilah mita ibanea.”

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

SAMUEL 1 17:55

Naonda in ki Saul nokoontong kon i Daud minayá nomarang kon i Goliat, noḻibó in sia kon i Abner itoi in tontaranea, “Abner, ki adí i ine in sia?” “Diábí kinotaauan in bobantungmu naa, Tuang datu,” tubag i Abner.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.