SAMUEL 2 14:17 - Alkitab Singog In Mongondow Masa In Tanaa

¹⁷ Noyakinbí in akuoi kon dandi i Tuangku tatua in mokojaminbí kon kasaḷamatanku sin ki Tuangku naa in naonda bo malaekat i Allah, inta motaau mopoyoposi kon onu inta mopia bo onu inta moraat. Igumon mako ki Tuhan Allah i Tuangku koyota-yotakin i Tuangku!”

SAMUEL 2 14:17 Mawu Ofanana

SAMUEL 2 14:18

Ki Datu in notubag, “Oyúon in ḻibóonku kon inimu, tubagai takin gina motuḻid.” “Pogumandon mangoi Tuangku,” tubag in bobay tatua.

SAMUEL 2 14:20

Táe tua in inaidannea sin nopoyotutui kon pelekara tatua takin kopiaan. Ki Tuangku in intau inta mobijaksana naonda bo malaekat i Allah dá nonotaau kon bayongan inta nobaḻí.”

SAMUEL 2 19:27

Nodapot in pinoponapudannea akuoi in uboḷ kon i Tuang datu. Táe ki Tuang in naonda bo malaekat i Allah. Tuamai in pomiadon in onu inta mopia kon mata i Tuang datu.

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

AYUB 6:30

Degá kai monimukamai dá nonguboḷbí in akuoi, diá motaau mopoyoposi kon inta mopia bo inta moraat?

AMSAL 27:21

Buḷawan bo saḷaka ujion kon bonu in tuḷú; intau in kotaauanbí kon dodianea kon tungkuḷ in dayowon.

AMSAL 29:5

Ki ine in moduí kon tumpaḷa intau, in motaanbí kon potait kon inia.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

YOSUA 1:17

Kami in mokopotoinduduibí kon inimu, ná doman kami umuran nokopotoindudui kon i Musa. Poigumon mako ki Tuhan Allahmu umuran kotaki-takinmu ná doman pinononakin-Nea kon i Musa!

SAMUEL 1 29:9

Tubag i Akhis, “Kinotaauanmubí kon iko in inanggapkudon mosatia naonda bo malaekat i Allah. Táe tongguḷu totokan mita in tontara tatua ain nonatú kon singog kon iko in diábí motaau in dumudui moparang moyotakin nami.