SAMUEL 2 14:14 - Alkitab Singog In Mongondow Masa In Tanaa

¹⁴ Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

SAMUEL 2 14:14 Mawu Ofanana

SAMUEL 2 11:25

Ki Daud in noguman kon totabá tatua, “Irotonaidon in gina i Yoab bo pogumandon kon inia kon dikadon moajar in ginamu, sin diábí kotaauan mongo ki ine in matoi kon bonu in parang. Pogumandon kon inia sinbá umuran kotoyangon in monubu kon kotá tatua dapot in kotá tatua tumungkud.”

SAMUEL 2 14:15

Bobantung naa in namangoi kon tayowon i Tuangku sin oyúon in intau in mopogogondok kon inakó. Bo akuoi in norai kon mopia-piabí kon mamangoi in akuoi mongonguman kon i Tuangku poḷat moharap mako kon onu in pinoigumku naa duduianpa i Tuangku.

DATU MITA IMITÁNEA 11:39

Popisí in ki Salomo binaradosa, dá hukumon-Ku in buí i Daud, táe diábí mononoi.’ ”

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

AYUB 34:15

dá matoidon in bayongan mahaḷuk inta nobiag, bo intau in mobaḻí ḷobud ná inta dungkuḷ.

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

MAZMUR 58:7

O Allah, putoḷdon in ingipon mita monia, rabutdon in uwaḷa in singa mita batánea tatua, Tuhan.

MAZMUR 77:8

“Degá dapot in mononoi ki Tuhan in mondoí bo diádon angoian pia in gina bui?

MAZMUR 79:3

Kon sinangkub in kotá in Yerusalem dugú monia in noibutak naonda bo tubig; diá in moḷobong kon i monia.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

IḶUAIAN 21:13

Tongá aka sia bo nomongkug táe diábí in makusud moḻimod, dá sia in motaaubí moḷagui mayá in tampat inta bain tundúon-Ku kon inimu, bo kon tua sia mokouḻí kon tampat pogadopan.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

OMBAḶ 3:31

Sin, ki Tuhan in diábí inta diá motarima kon i naton modapot in mononoi.

YEHEZKIEL 18:23

Degá iraimumai kon Akuoi, ki Tuhan Inta Totok in moḷantud in mosanangbí aka intau moraat bo matoi? Totokbí in diá! Ibogon-Ku in bá taḷaanneabímai in bayongan in dosa sinbá tantú mobiag in sia.

IMAMAT 26:40

Táe buímu in mongakubí kon dosa monia bo dosa in mogoguyang monia inta ain noḷawang kon i-Nakó bo ain nomarontak kon i-Nakó,

PINOGIAPAN 35:15

Kotá onom tatua mobaḻí kotá pogogadopan monimu, intau in Israel, bo kon intau ango-angoi andeka inta nogutun notantú kon yua-yuak monimu. Ki inekabí inta diá sinumontuon noḻimod kon intau ibanea, motaaubí in mayá moḷagui kon tobatú in kotá tatua.

PINOGIAPAN 35:25

Poyodungkuḷan in umat musti moḷukad kon intau inta diá sinumontuon noḻimod tatua kon gogondok in ginaḷum in intau inta kinoḻimodan tatua. Intau tatua musti diaan bui pobayá in kotá pogogadopan, tampat pinoḷaguiannea tatua. Musti in sia mogutun kon tua modapot in intau inta tungkuḷ intua nobaḻí Imang Moḷoben matoidon; bain tua bo motaaudon in sia mobui kon ḻipúnea tontaní. Tongá aka sia monaḷámai kon kotá pogogadopan inta pinoḷaguiannea tatua, bo noyodungkuḷbí bo poḷat iḻimod in ginaḷum in intau inta kinoḻimodan tatua, dá aid notuḻí tatua in deemanbí pinoḻimodan.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

OUMAN IN RASUL MITA 10:34

Bo ki Petrus in noguman, “Bain naa bo kinotaauanku kon naanta pinoyotongkaibí i Allah in bayongan intau.

SURAT I PAULUS KON JAMAAT RUM 2:11

Sin diábí poyoposion i Allah in bayongan intau.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.