SAMUEL 2 13:29 - Alkitab Singog In Mongondow Masa In Tanaa

²⁹ Bobantung mita tatua nogaid kon onu in pinoki aid i Absalom, bo iḻimodon monia in ki Amnon. Nokoontongmai kon natua in ki adí mita ḷoḷaki i Daud ibanea baḷúdon sinumakoi kon bagal monia kon batúannea bo noḷagui.

SAMUEL 2 13:29 Mawu Ofanana

KINOBAḺIAN 36:24

Ki Zibeon kogadí kon adí ḷoḷaki doyowa, ki Aya bo ki Ana. (Ki Ana naa inta nokouḻí kon bokaká mita in tubig mopatú kon padang gurun, kon tungkuḷ in sia koyogot mopokaan in keledai mita i amánea.)

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

SAMUEL 2 13:30

Kon daḷanpa in mosia nobui, oyúondon in intau nopotaau intua kon i Daud, “Ki Absalom ain noḻimod kon bayongan in adí ḷoḷaki i Tuang Datu – diádon in tobatúmai in nobiag!”

SAMUEL 2 14:6

Bobantung naa in kogadí kon adí ḷoḷaki doyowa, bo kon singgai tobatú taya dua in noropatoi kon apow. Popisí in diá in nopoyoguat, dá tobatú kon sigad nayadua tatua in minatoi kinoḻimodan.

SAMUEL 2 18:9

Kon dodai in ki Absalom sinumakoi kon bagalnea, bo daḻídon in sia noyodungkuḷ in intau i Daud. Bagal tatua in sinumaḻib kon pangkoi in kayu inta moḷoben táe noompá, dá noiandupdon in uḷu i Absalom kon tanganea tobatú. Bagalnea tatua in noribatukdon turus táe ki Absalom in kinotaḷáan bo noitadangdon mako kon tua.

DATU MITA IMITÁNEA 1:33

ki datu in noguman kon i monia, “Oinídon in porwiraku mita bo bayádon kon i Salomo adíku ḷoḷaki poyotakin monia. Popotakoidon in sia kon bagalku tontaní, bo diádon in sia kon bokaká in tubig in Gihon.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

AMSAL 29:12

Aka mongongawasa mokidongog kon habar uboḷ, pogawainea in mobaḻíbí moraat komintan.

IMAMAT 19:19

Duduiaidon in parenta-Ku mita. Dika mopoyobuḷoi in mahaḷuk inta noyoposi in batangannea. Dika mopomuḷa in doyowa norupa in bibit kon gobá tobatú. Dika moḷutud kon pakeang inta pinomia nongkon siningkoi doyowa inta noyoposi.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.