SAMUEL 2 13:28 - Alkitab Singog In Mongondow Masa In Tanaa

²⁸ Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

SAMUEL 2 13:28 Mawu Ofanana

KINOBAḺIAN 9:21

Naonda in ki Nuh nonginum kon anggurnea, sia in noḷoḷangu. Iḷongkutnea in bayongan pakeangnea bo nosiug in sia nomilang kon bonu in ḷoḷaigannea.

SAMUEL 2 11:13

Dá nongaandon in sia bo inogoian doman in oinumon mokoḷoḷangu nodapot in sia noḷoḷangu. Táe kon doḷom tua ki Uria in diábí doman nobui kon baḷoinea, táe nosiugbí in sia takin nopogompat in daingnea kon bonu in yuang in moḷoḷukad kon komaḻig.

SAMUEL 2 11:15

Naa in pinaisnea, “Tampatdon in ki Uria kon pipidan inta totok in kon muna, kon tampat poparangan inta totok in motoyang, bo undokdon in iko táe dika moguman kon inia sinbá matoi koḻimodan in sia.”

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

SAMUEL 2 13:27

Táe popisí in ki Absalom umuran doman momakisa, dá imbuitnea ki Daud nobogoidon kon i Amnon bo bayongan in adínea ḷoḷaki ibanea dinumudui kon i Absalom. [Bo ki Absalom nokioḷudon in kaanon inta totok in mongopia.]

SAMUEL 2 14:6

Bobantung naa in kogadí kon adí ḷoḷaki doyowa, bo kon singgai tobatú taya dua in noropatoi kon apow. Popisí in diá in nopoyoguat, dá tobatú kon sigad nayadua tatua in minatoi kinoḻimodan.

DATU MITA IMITÁNEA 20:16

Pinonubuan in pinangkoi kon dodai in singgai kon tungkuḷ in ki Benhadad bo datu toḷu nopuḷú bo doyowa inta noyopopognea tatua koyogot in nonginum nodapot in nongoḷoḷangudon kon pinononḷoḷaigan monia.

ESTER 1:10

Kon singgai impitunea, ki datu in nonginum nodapot in nosanangdon totok in ginanea. Tuamai in nogoiní in sia kon intaunea pitu inta nobaḻí bobantungnea tontaní; mosia tua in ki Mehunam, ki Bizta, ki Harbona, ki Bigta, ki Abagta, ki Zetar, bo ki Karkas.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

IḶUAIAN 1:18

Dá ki datu in nogoiní kon i nayadua tua bo noḻibó, “Nongonu sin pinomayábí mako monimu in adí mita ḷoḷaki tua nobiag?”

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

OUMAN IN RASUL MITA 5:29

Táe ki Petrus bo ki Yohanes in noguman, “Kami in mustibí mokidongog kon i Allah, deemanbí dumudui kon singog in intau nion.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”

HAKIM MITA 19:6

Dá iḻimitúdon in intau in Lewi tatua bo nongaan nonginum takin ki amá in bobay tatua. Táe naonda in sia simindog sin mayádon, ki amá in bobay tatua nodondouḷug kon inia sinbá dikadon mayá. “Pobarasanangpa muna,” gumannea, “bo posiugdon kon naa.” Dá nogutunpa bui in intau in Lewi tatua kon tua tonggobii bui.

HAKIM MITA 19:9

Onda intua, naonda in intau in Lewi tatua takin ki buḷoinea ibanea bo bobantungnea tatua mobuatdon, ki amánea noguman, “Mata in singgai tumoyopdon, topípa bo modoḷomdon. Mopia-piabí kon mosiugpa bui kon naa bo mobarasanang. Bain ikoḷom bo mobangon in moiko doḷo-doḷom sin mobuat bo mobui.”

RUT 3:7

Naonda in ki Boas nopaḷut nongaan bo nonginum, noguḻídon in ibognea bo nopia domandon in ginanea. Bo minayádon in sia nosiug kon diug in pinosipunan kon gandum. Takin inumado-adop in ki Rut namangoi bo nonikat kon daing i Boas, bodongka inumuḻid kon sioḷannea.

SAMUEL 1 18:22

Bo nopotabá in sia kon pogawainea mopotaau intua kon i Daud takin umuni-uni, nanaa, “Ki Tuang Datu motabi kon inimu bo natua doman in bayongan in pogawainea; dá naadon in wakutunea inta mopia kon inimu mononibuḷoi kon i adínea.”

SAMUEL 1 28:10

Bo ki Saul in nongibot, kainia, “Podoyon kon i Tuhan inta nobiag, modandi in akuoi kon iko in diábí hukumon popisí in mogaid kon soaḷ tanaa.”

SAMUEL 1 28:13

Tubag i datu, “Dika moondok! Potaaudon mangoi mongo onu mako in inontongmu!” Bobay tatua in notubag, “Bobantung in nokoontong kon dimukud iḻumuai nongkon butá.”