SAMUEL 2 13:23 - Alkitab Singog In Mongondow Masa In Tanaa23 Doyowa notaong noiduduimai kon tua ki Absalom nomia kon bobutungan pinonggonsingan kon bubuḷ in domba kon Baal-Hazor, kon diug in kotá in Epraim, bo nogoiní in sia kon bayongan adí ḷoḷaki i datu. Onani mutuwo |
Sia in noposumbadon in kuruban in domba nobarong, sapi koḷakian bo ki adí in sapi inta mongoḷomumu. Sia in nogoiní domandon namangoi in rame tatua in ki adí mita ḷoḷaki i tuang datu bo ki Imang Abyatar takin ki Yoab, inta tongguḷu totok in tontara mopoparang i tuang datu. Táe ki Salomo in diábí inoinínea.
Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’
Kon singgai tobatú kon tampat inta sinangoian Batu Uḷag kon diug in bokaká in tubig in En-Rogel, ki Adonia noposumba in kuruban domba, sapi koḷakian bo ki adí in sapi inta mongoḷomumu. Nogoiní in sia kon i adí mita ḷoḷaki i Datu Daud inta ibanea, bo pogawai mita in komaḻig nongkon suku in Yohuda mamangoi kon rame pobogoian kon kuruban tatua.
Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.
Kon kotá in Maon oyúon in ḷoḷaki tobatú nongkon inanakan i Kaleb, tangoinea in ki Nabal. Sia tua in kobutá ponombobiagon kon diug in kotá in Karmel. Sia tua in nobiag nooyúon totok bo kodomba 3.000 bo bembé 1.000. Ki Abigail ki buḷoinea, mopandoi bo moḷunat, táe ki Nabal in mokaḷakuang bo moromú in dodianea. Kon singgai tobatú ki Nabal koyogot in monggonsingmai kon bubuḷ in dombanea kon Karmel.