SAMUEL 2 12:24 - Alkitab Singog In Mongondow Masa In Tanaa

²⁴ Onda intua ki Daud noḻipoi kon i Batsyeba ki buḷoinea, bo nosiugdon noyotakinnea. Ki Batsyeba nopononggadí in adí ḷoḷaki tobatú bo sinangoian i Daud ki Salomo. Sinotabi i Tuhan in adí tatua

SAMUEL 2 12:24 Mawu Ofanana

SAMUEL 2 12:25

bo pinoki tontangoi kon i Nabi Natan in adí tatua ki Yedija, sin ki Tuhan notabi kon inia.

SAMUEL 2 5:14

Ki adínea mita ḷoḷaki inta pinononggadí kon Yerusalem in: ki Syamua, ki Sobab, ki Natan, ki Salomo,

SAMUEL 2 7:12

Kon singgai moiduduimai, aka wakutumudon matoi, bo iko in ḷobongon kon pinoḷobongan kon mogoguyangmu, ki adímu ḷoḷaki in duíon-Ku mobaḻí datu. Siadon tua in momia kon baḷoi kon i-Nakó. Dodatuan-Nea in irigonan-Ku bo kon kinoouputbí in dunia naa tobatú buínea in momarenta mobaḻí datu.

DATU MITA IMITÁNEA 1:10

Táe ki Salomo ki ai-ainea, bo ki Nabi Natan takin ki Benaya bo moḷoḷukad i Datu Daud in diábí inoinínea.

DATU MITA IMITÁNEA 1:11

Dá minayá in ki Nabi Natan nokipodungkuḷ kon i Batsyeba, ki iná i Salomo, bo noguman kon inia, “Degá ki Buḷoi Datu in diápa nokodongog kon ki Adonia, adí ḷoḷaki in Hagit, ain dinumuí nobaḻí datu, bokaka ki Datu Daud in diápabí nonotaau kon onu bo onu soaḷ tatua?

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.

TAWARIKH 1 3:5

bo nobarong in ki adínea ḷoḷaki in pinononggadí kon tua. Kon i buḷoinea inta ki Batsyeba adí i Amiel, opat in ki adí i Daud kon inia inta pinononggadí kon Yerusalem: ki Simea, ki Sobab, ki Natan bo ki Salomo.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

AMSAL 4:3

Kon tungkuḷ in akuoi nointokpa, ki adí tuḷong in guyangaku,

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”