SAMUEL 2 12:17 - Alkitab Singog In Mongondow Masa In Tanaa

¹⁷ Bo intau mita moḷoben kon komaḻig mayá kon inia sin modondouḷug sinbá simindogdon in sia, táe diá tarimaannea in mosia bo doí doman in sia mongaan moyotakin monia.

SAMUEL 2 12:17 Mawu Ofanana

KINOBAḺIAN 24:2

Kon singgai tobatú ki Abraham in nogumandon kon bobantungnea inta totok in guya-guyang, inta nonompia kon bayongan kapunyaannea, “Poukatdon in ḻimamu kon sigad in páaku.

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

SAMUEL 2 12:18

Todiminggu noiduduimai kon tua adí tatua minatoi, bo bobantung mita i Daud in diá mokobaḻí in mopotaau intua kon i Daud. Guman monia, “Kon dodai in adí tatua nobiagpa, ki datu in doíbí mokidongog kon onu in poguman naton kon inia. Apapa doman tanaa naonda in ki adínea ḷoḷaki minatoidon! Dika bo simindodokdon in sia!”

SAMUEL 2 3:35

Kinoouputbí in singgai intau mita moḷongasi modondouḷug kon i Daud sinbá mongaanpa umpaka tongá topiḻikmai, táe sia in nongibot, “Igumon mako ki Allah in moḻimod kon inakó, aka akuoi mongaan kon dodai in mata in singgai diápa tumoyop!”

MAZMUR 102:4

Kobiaganku in moinggamá naonda bo poyok; tuḷanku mita in monombaga naonda bo tuḷú.

DANIEL 6:18

Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

SAMUEL 1 28:23

Doí in ki Saul poḷat noguman kon doíbí in sia mongaan. Táe naonda in pogawainea mita nodondouḷug doman, dá dinuduianneadon. Sinimindog in sia nongkon butá bo iḻimitú kon dangkuḷon.