SAMUEL 2 12:15 - Alkitab Singog In Mongondow Masa In Tanaa

¹⁵ Nopaḷut mako kon tua nobuidon in ki Natan kon baḷoinea. Ki adí ḷoḷaki i Daud inta pinononggadí i Batsyeba ki baḷú i Uria, kinotugatan in takit podudui in ibog i Tuhan.

SAMUEL 2 12:15 Mawu Ofanana

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

SAMUEL 2 12:16

Bo nosambayang in ki Daud kon i Tuhan sinbá mopia in adí tatua. Nopuasa in sia bo pomuḷoi in doḷom tumonggobii monag sia in umuḻid mako kon taḷog in gopotnea.

DATU MITA 2 15:5

Pinopoumaan i Tuhan in sia in takit kuḻit inta mokoondok, bo nodapot in sia minatoi, takit tatua in diá bidon nopia-pia. Sia in pinotontanídon kon baḷoi tobatú pinopoyayú bo pinoḷuat kon oaidannea mita. Ki Yotam ki adínea ḷoḷaki in nomarenta saḷaku oḻitnea.

TAWARIKH 2 13:20

Kon tungkuḷ in ki Abia nomarenta, ki Yerobeam diádon nokopoguḻit kon kawasa nea. Imbuitnea iḻimod i Tuhan in sia.

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

SAMUEL 1 25:38

Bo degá mopuḷúmai nosinggai nongkon tua ki Nabal bui pinopoangoian i Tuhan in nakit in putú dá minatoidon in sia.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.