SAMUEL 1 29:11 - Alkitab Singog In Mongondow Masa In Tanaa

¹¹ Tuamai in nobangon monik doḷo-doḷom, nobuatdon in ki Daud takin intaunea mita nobui kon butá in Pilistin, bo tontara in Pilistin in nobuat minayá in Yizreel.

SAMUEL 1 29:11 Mawu Ofanana

YOSUA 19:18

Noibonu kon butá monia tua in: Yizreel, Khesulot, Sunem,

SAMUEL 1 25:43

Noiuna kon tua ki Daud aindon doman notonibuḷoi i Ahinoam nongkon Yizreel, bo tanaa ki Abigail in nobaḻí domandon ki buḷoinea.

SAMUEL 1 29:1

Intau in Pilistin nosipundon kon bayongan in tontaranea kon Apek, bo intau in Israel in nononḷoḷaigan kon diug in bokaká kon Ḷopá in Yizreel.

SAMUEL 1 29:10

Manangka intua Daud, ikoḷom in moiko komintan inta ain nonaḷámai kon i Saul bo namangoi kon inakó, musti mobangon doḷo-doḷom bo ḷagi mobuat naonda in momuká in mata in singgai.”

SAMUEL 1 30:1

Doyowa nosinggai noiduduimai, ki Daud bo intaunea nobui kon kotá in Ziklag. Naonda in noiyaputmai kon tua, kinotambakanmai monia kon intau in Amalek ain nonubu kon dotá i toḷatan butá in Yohuda bo nonubu kon Ziklag. Mosia in diábí noḻimod kon tobatúmai in intau. Táe sinurub monia komintan in kotá tatua bo nongingguput kon bobayáan monia takin nodia kon bobay mita, adí mita bo intau mita ibanea inta nogutun kon tua. Mosia in nodomok domandon kon motoḷuadí i Daud bo motoḷuadí in intaunea mita, noitakin doman in ki buḷoi Daud taya dua, ki Ahinoam bo ki Abigail. Noajar totok in gina i Daud takin gina in intaunea mita, dá mosia in nongombaḷdon diá nodona-doná nodapot in noḻemédon in mosia.