SAMUEL 1 25:43 - Alkitab Singog In Mongondow Masa In Tanaa

⁴³ Noiuna kon tua ki Daud aindon doman notonibuḷoi i Ahinoam nongkon Yizreel, bo tanaa ki Abigail in nobaḻí domandon ki buḷoinea.

SAMUEL 1 25:43 Mawu Ofanana

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

SAMUEL 2 2:2

Dá minayádon in Hebron in ki Daud takin ki buḷoinea doyowa: ki Ahinoam inta bobay in Yizreel, bo ki Abigail inta ki baḷú i Nabal inta bobay in Karmel.

SAMUEL 2 3:2

Moiduduimai naa in adí mita ḷoḷaki i Daud inta pinononggadí kon Hebron, Ki Amnon. Ki inánea in ki Ahinoam nongkon Yizreel.

MATIUS 19:5

Bo Pirman-Nea in noguman, ‘Manangka intua ḷoḷaki in monaḷámai kon i amá bo kon i inánea bo motobatú takin i buḷoinea, sahingga taya dua motobatúdon kon awak.’

MATIUS 19:8

Ki Yesus in notubag kon i monia nanaa: “Tua in popisíbí in moiko doí mokidongog, dá ki Musa nobogoi in kasampatan kon i monimu mogaat kon i buḷoi monimu, táe sabanarnea in deemanbí natua nongkon pinomangkoianmai.

SAMUEL 1 27:3

Dá nogutundon in sia kon tua noyotakin in intaunea kon Gat, kon batúannea takin motoḷuadí monia. Ki Daud in nodia kon i buḷoinea doyowa, inta ki Ahinoam bobay nongkon Yizreel, bo ki Abigail, ki baḷú i Nabal bobay in Karmel.

SAMUEL 1 29:11

Tuamai in nobangon monik doḷo-doḷom, nobuatdon in ki Daud takin intaunea mita nobui kon butá in Pilistin, bo tontara in Pilistin in nobuat minayá in Yizreel.