SAMUEL 1 25:39 - Alkitab Singog In Mongondow Masa In Tanaa

³⁹ Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.

SAMUEL 1 25:39 Mawu Ofanana

SAMUEL 2 1:16

Guman i Daud kon tayowmobiag intau in Amalek tatua, “Ikobí tontaní in nopoḷabú in hukuman matoi kon inimu tontaní takin nongaku kon ain iḻimodmu in ki datu inta piniḻí i Tuhan!”

DATU MITA IMITÁNEA 2:44

Kinotaauanmubí totok in bayongan aidmu moraat kon i amáku. Tuamai ki Tuhan in mohukumbí kon inimu,

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

ESTER 9:25

Táe ki Ester in minayá kon tayowon i datu, bo ki datu in nobogoi in parenta pinais inta nokopopisí kon tomayá moraat inta inaidan i Haman in bui noiuma kon inia tontaní, dá sia bo ki adínea mita in pinopobambé kon oigi pobobambéan.

MAZMUR 7:16

Sia in mongaḻi kon bubú koḷabúan in intau ibanea, táe siabí tontaní in moibonu kon tua.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

AMSAL 19:14

Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

AMSAL 22:23

Sin, ki Tuhan in moduḷubí kon pelekara monia bo morabut kon nyawa in intau inta mondorot kon i monia.

AMSAL 31:10

Buḷoi mopandoi moajarbí in mokouḻí; siabí in momaha-mahaḷ in intan berlian.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

DONDONG MOḶANTUD 8:8

Oyúon in ki ai-ai nami bobay inta nointokpa in teténea. Onu in pomiaan nami kon inia aka oyúon in mamangoi moigum mongantang kon inia?

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

KORINTUS 2 13:7

Kami in umuran mopoigum mako doa sinbá moiko in diá mogaid kon inta moraat. Deemanbí mopoontong kon kami in monahangdon totok kon totungkuḷ, táe ibogon nami in bá moiko in umuran motaau in mogaid kon inta mopia – umpaka ontongon monimu in kami diá mokotahang kon totungkuḷ!

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

HAKIM MITA 5:2

Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

SAMUEL 1 25:32

Bo ki Daud in noguman kon inia, “Dinayo-dayowdon in ki Tuhan, Allah in Israel, inta nopotabá kon inimu nokipodungkuḷ kon inakó singgai in naa!

SAMUEL 1 25:34

Ki Tuhan ain nogimaḷow kon inakó mogaid kon inta moraat kon inimu. Podoyon kon i Tuhan, Allah in Israel inta nobiag, aka kuma bo iko diá ḷagi nokipodungkuḷ kon inakó, yo notantú bidon kon bayongan in intau i Nabal nodait bidon minatoi kon dodai in mata in singgai diápa nomuká!”

SAMUEL 1 25:40

Dá noyaputdon in totabá i Daud kon bobay tatua kon Karmel bo noguman kon inia, “Kami naa in pinotabá i Daud mamangoi mogamá kon inimu, sin baḻíonneadon ki buḷoinea in iko.”

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.