SAMUEL 1 25:36 - Alkitab Singog In Mongondow Masa In Tanaa

³⁶ Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.

SAMUEL 1 25:36 Mawu Ofanana

SAMUEL 2 13:23

Doyowa notaong noiduduimai kon tua ki Absalom nomia kon bobutungan pinonggonsingan kon bubuḷ in domba kon Baal-Hazor, kon diug in kotá in Epraim, bo nogoiní in sia kon bayongan adí ḷoḷaki i datu.

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

SAMUEL 2 3:20

Naonda in ki Abner noyotakin in intaunea inta doyowa nopuḷú namangoi kon tayowon i Daud kon Hebron, pinomiaan i Daud kon rame kon i monia.

DATU MITA IMITÁNEA 20:16

Pinonubuan in pinangkoi kon dodai in singgai kon tungkuḷ in ki Benhadad bo datu toḷu nopuḷú bo doyowa inta noyopopognea tatua koyogot in nonginum nodapot in nongoḷoḷangudon kon pinononḷoḷaigan monia.

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

AMSAL 20:1

Oinumon mokoḷoḷangu mokopopisí kon intau mobaḻí ná diá dinidik bo modowawá. Bodokdon in intau inta monginum dapot in moḷoḷangu.

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

YESAYA 28:3

Onu inta totok in kinoibog in itoi mita inta nongoḷoḷangu tatua in ritakan.

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

HOSEA 4:11

Ki Tuhan in noguman, “Ei umat-Ku, pinomayá anggur noonggot andeka anggur nobagu nonginggamádon kon pandoimu morai motoratakmai.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

LUKAS 14:12

Onda intua ki Yesus noguman kon i togi baḷoi, “Aka iko bo mogaid kon bobutungan kon wakutu in singgai andeka doḷom, yo donaaidon mogoiní kon yobayat, utat, andeka bayongan ginaḷum bo topodiugmu inta nobiag nooyúon, sin aka natua yo tuḻían doman oiníon monia in iko. Dá oyúon tontuḻí in pinogoiníanmu kon i monia.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

SAMUEL 1 25:19

Bo noguman in sia kon bobantungnea mita, “Moiko in mayá umuna kon inakó; akuoi in dumuduianmai kon inimu.” Táe sia in diábí noguman kon onu bo onu kon i buḷoinea ḷoḷaki.

SAMUEL 1 25:37

Naonda in doḷo-doḷom, kon dodai in ki Nabal diádon noḷoḷangu, ki buḷoinea bobay nopotaau kon inia in bayongan inta moraat tatua. Bo daḻídon in ki Nabal pinonakitan in putú bo bayongan in awaknea notorondódon komintan.