SAMUEL 1 25:17 - Alkitab Singog In Mongondow Masa In Tanaa

¹⁷ Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

SAMUEL 1 25:17 Mawu Ofanana

SAMUEL 2 24:13

namangoi in ki Gat kon tayowonnea bo nopotaau kon inia in parenta i Tuhan tatua, kainia, “Onda in piḻíon i Tuang datu: Butá tanaa koantugan in malarat diá in kaanon kon bonu in toḷu notaong, andeka ki Tuang datu in moḷagui sin aḷo-aḷowan mako in musung kon bonu in toḷu nobuḷan, andeka butá tanaa tubuon in takit kon bonu in toḷu nosinggai? Tantúdon kon tanaa mako onu inta mustiku potaau kon i Tuhan.”

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

DATU MITA IMITÁNEA 21:13

Intau moraat doyowa iḻimitú noyogintayow i Nabot, bo kon tayowon in intau mobayong noponapud in mosia in tosingogon kon sia in nogodi-godimaidon kon i Allah bo kon i datu. Tuamai in sia dinia pinoḷuai in kotá bo inarab in batu nodapot in minatoi.

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

ESTER 7:7

Sinumorú totok in ki datu, bo sinimindog nonaḷámai kon meja bo baḷú iḻumuai, minayá in taman komaḻig. Kinotaauandon i Haman kon ki datu in nomontowdon kon tosingogon kon mohukum kon inia, tuamai in sia diábí nonaḷámai kon i Ratu Ester bo totok in mopoigum sinbá posaḷamaton.

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

ULANGAN 13:13

kon tongonumai intau moraat nongkon bangusamu aindon nopoḷaḻe kon intau inta nogutun kon kotá sin mosumba kon ilah mita inta diá kinotaauan monimu.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.

SAMUEL 1 2:12

Ki adí mita i Eli in mongoraat totok. Mosia in doí dumudui kon parenta i Tuhan

SAMUEL 1 20:7

Aka ki datu moguman, ‘Mopiadon,’ dá moaman in akuoi, táe aka ki datu tumorú, dá pokotaaudon kon ki datu in nomontowdon kon tosingogon kon mopobodito kon inakó.

SAMUEL 1 20:9

Tubag i Yonatan, “Dika moondok! Aka kotaauanku kon notantúdon kon ki amáku in moniatdon totuu kon mopobodito kon inimu, yo notantúbí kon potaauku kon inimu.”

SAMUEL 1 25:16

Doḷom singgai mosia in noḷukad kon inami kon dodai in kami moḷukad kon bembé domba kon diug monia.

SAMUEL 1 25:18

Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.

SAMUEL 1 25:25

Dikadon raionmai i Tuangku in ki Nabal, intau inta diá in baragunanea tatua! Sia tua in intau inta nobodok – notongkai ná tangoinea. Bobantung naa in diábí nokoontong kon totabá mita inta pinotabá i Tuangku tua.