SAMUEL 1 24:21 - Alkitab Singog In Mongondow Masa In Tanaa

²¹ Naa in moyakin bidon in akuoi kon iko in mobaḻíbí datu kon Israel bo dodatuan in Israel in umuranbí motorindog kon bonu in pomarentaanmu.

SAMUEL 1 24:21 Mawu Ofanana

KINOBAḺIAN 21:23

Tuamai, pongibotdon kon naa kon tayowon i Allah, kon iko in diábí monombogá kon inakó, ande kon i adíku mita, ande kon buíku. Ná doman akuoi aindon nomia kon inta mopia kon inimu, dá aidai domandon in natua kon inakó bo kon butá inta pinogutunanku tanaa.”

KINOBAḺIAN 31:48

Guman i Laban kon i Yakub, “Guntuḷan batu tanaa in mobaḻí tompoingat kon i natonda.” Tuamai tampat tatua sinangoian Galed.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.

SAMUEL 1 25:30

Ki Tuhan in mopoaidbí in bayongan in kopiaan inta pinodandi-Nea kon i Tuangku, bo diádon moonggot in ki Tuangku baḻíon-Nea datu kon Israel.