SAMUEL 1 23:2 - Alkitab Singog In Mongondow Masa In Tanaa

² Bo noḻibódon in ki Daud kon i Tuhan, “Degá musti in akuoi mayá monubu kon intau in Pilistin?” “Oo,” tubag i Tuhan, “tubudon in mosia bo posaḷamatdon in intau mita in Kehila.”

SAMUEL 1 23:2 Mawu Ofanana

SAMUEL 2 2:1

Nopaḷut mako kon tua ki Daud in noḻibó kon i Tuhan, “Tuhan degá ogoi-Mu in akuoi mayá mongawasa kon kotá tobatú in kotá kon Yohuda?” “Oo,” tubag i Tuhan. “Kotá inta táonda?” noḻibó in ki Daud. “Hebron,” tubag i Tuhan.

SAMUEL 2 5:19

Noḻibó in ki Daud kon i Tuhan, “Musti degá tubuonku in intau in Pilistin tatua? Degá popountung-Mu in akuoi?” “Tubudon!” tubag i Tuhan. “Popountung-Kubí in iko!”

SAMUEL 2 5:23

Komintanpa doman bui in ki Daud nopoigum in topotundú kon i Tuhan. Tubag i Tuhan, “Dika monubu kon i monia nongkon naa, táe bayádon poḻibu bo tubudon in mosia nongkon tumi, kon diug in pangkoi mita in murbei.

TAWARIKH 1 14:10

Nokodongogmai kon natua ki Daud noḻibó kon i Allah, “Tuhan, degá musti tubuonku in intau mita in Pilistin tatua? Degá popountung i Tuhan in akuoi?” “Oo, tubudon!” tubag i Tuhan. “Popountung-Kubí in iko!”

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

HAKIM MITA 1:1

Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

SAMUEL 1 10:22

Tuamai noḻibó in intau mita kon i Tuhan, “Oo Tuhan, degá intau tatua kon naadon?” Tubag i Tuhan, “Ki Saul nogadop kon tumimai in barang mita touḷut.”

SAMUEL 1 14:37

Bo noḻibódon in ki Saul kon i Allah, “Motaau degá in akuoi monubu kon intau in Pilistin? Degá ogoi-Mudon in mosia kon bonu in kawasa in intau in Israel?” Táe diábí sinubagan i Allah in sia kon singgai tua.

SAMUEL 1 23:3

Táe intau i Daud in noguman kon inia, “Umpaka tongá kon naa, kon Yohuda, kami in totokdon in agían ondok, apa doman aka kita in musti mayá doman monubu kon tontara in Pilistin kon Kehila.”

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”

SAMUEL 1 23:6

Naonda in ki Abyatar ki adí i Ahimelek noḷagui minayá kon i Daud, bo dinumudui kon i Daud minayá in Kehila, sia in nodia doman kon epod.

SAMUEL 1 30:8

Onda intua noḻibódon in ki Daud kon i Tuhan, “Musti degá batukonku in banselang mononubu tatua? Mokobatuk degá in akuoi kon i monia?” Ki Tuhan notubag, “Oo, batukdon; kobatukanmubí in mosia bo poḷuatonmu in intau mita inta sinoko domok tua.”