SAMUEL 1 18:19 - Alkitab Singog In Mongondow Masa In Tanaa

¹⁹ Táe naonda in wakutuneadon ki Merab popobuḷoi kon i Daud, indoianmai adí bobay tatua in pinopotonibuḷoibí kon i Adriel nongkon Mehola.

SAMUEL 1 18:19 Mawu Ofanana

SAMUEL 2 21:8

Inta ginamá i Daud in ki Armoni bo ki Mepiboset, inta ki adí ḷoḷaki i Saul inta pinononggadí i Rizpa adí i Aya; bo ḻima doman in ki adí ḷoḷaki i Merab adí bobay i Saul, adí mita tatua in pinononggadí kon bonu in tonibuḷoi i Merab bo i Adriel adí i Barzilai, intau in Mehola tatua.

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

HAKIM MITA 14:20

Bo inogoidon i nunuton i Simson in ki buḷoinea tatua kon ḷoḷaki ibanea inta nobaḻí bongkiḻí i Simson kon dodai in pinonikaannea.

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.