SURAT I PAULUS KON JAMAAT RUM 11:33 - Alkitab Singog In Mongondow Masa In Tanaa

³³ Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

SURAT I PAULUS KON JAMAAT RUM 11:33 Mawu Ofanana

ESTER 2:22

Tomayá tatua in kinotaauan i Mordekhai bo ḷaginea pinotaau kon i Ester. Bo bayá-bayá domandon inouman i Ester kon i datu onu inta pinotaau i Mordekhai tua.

AYUB 10:13

Táe tanaa in kinotaauankudon kon tua in kino oonggot, inumuni-uni aindon pinomia-Mu in boditoku.

AYUB 15:8

Degá dinongogmu in ki Allah nomia kon tomayá-Nea? Degá tongá iko in oyúon pandoi in intau?

AYUB 23:14

Sia in mogaidbí kon onu in tomayá-Nea kon inakó, bo koḻikud intua nobayongpabí in tomayá-Nea.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

AYUB 37:19

Tundúpa in kami onu in musti poguman nami kon i Allah; diábí in motaau nami insilangan, raian nami naa in diá in bonunea.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

AYUB 9:10

Diá komangaḻean naton in bayongan in oaidan-Nea, diábí in kita mokoiap kon aid-Nea mita inta mokoherang.

MAZMUR 139:6

Moiḻiu in ako kon inakó in sinotaau-Mu tatua, diábí kogawadan in raianku.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

MAZMUR 77:19

Gotup mondoradá, kilat in moburiang mako, butá modandú bo mourot.

MAZMUR 92:5

Sin aid-Mu in mokoḷunganga totok kon ginaku, akuoi i modondong takin pia in gina popisí in inta pinomia-Mu.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

AMSAL 25:2

Ki Allah pinoḷantud popisí in onu inta iharasia-Nea; datu in ihoromat popisí in onu in motaau ininsilangannea.

AMSAL 25:3

Naonda bo baḷangon inta modaḷom bo ḷangit inta moḷantud, natuata in raian in datu diá kotaauan.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 7:24

Ki ine in mokodungkuḷ kon mangaḻe in kobiagan naa? Moiḻiu in ako komangaḻean!

MOHOHUTUBA 8:17

yo diábí kotaauan naton mongo onu in aidan i Allah. Naondaka in poḷongasi naton, diábí in kita mokototaau. Intau moarip in tumangoi kon kinotaauannea, táe sabanarnea in diábí kotaauannea.

YESAYA 28:29

Kabijaksanaan tatua in namangoibí nongkon i Tuhan Inta Totok in mokawasa. Bayongan in tomayá i Tuhan mobijaksana bo umuranbí kodapotan.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

SURAT I PAULUS KON JAMAAT RUM 9:23

Ki Allah in moibog doman mopoontong in kobiagan mopia kon i naton inta kinotabi-Nea. Kita in sinadia-Neadon motarima kon kobiagan mopia tatua.

KORINTUS 1 2:10

Táe komintan bidon pinotaau i Allah kon i naton pinotonsigad kon Roho-Nea. Bo Roho tatua doman in moindoi kon bayongan in yagi-yagi nodapot in tomayá mita i Allah inta nongoibuni.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

EPESUS 3:18

Akuoi in umuran mosambayang, sinbá moiko takin bayongan in umat i Allah in monotaaudon kon kobobarakat, koḷoḷanggó, koḷoḷantud bo kododaḷom in tabi i Kristus,

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.