PINOGIAPAN 7:1 - Alkitab Singog In Mongondow Masa In Tanaa

¹ Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

PINOGIAPAN 7:1 Mawu Ofanana

KINOBAḺIAN 2:3

Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea.

DATU MITA IMITÁNEA 8:64

Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.

IḶUAIAN 13:2

“Posumbadon in bayongan adí ḷoḷaki inta guya-guyang kon i-Nakó. Bayongan in adí ḷoḷaki guya-guyang Israel, bo bayongan in bobiagon koḷakian inta muna pinogadí, tua in Akuoi in kitogi.”

IḶUAIAN 29:36

Kon pomuḷoi in singgai musti moposumba in sapi koḷakian tobatú sin potobut kon dosa. Kuruban tatua in pondarit kon mezbah tatua. Bo mezbah tatua musti ipúanmu in ḷana zaitun sinbá tantúondon tongá posumbaan kon i-Nakó.

IḶUAIAN 40:11

Natua doman in pomiaanmu kon tampat in tubig bo aipnea.

PINOGIAPAN 17:2

“Potabá in intau Israel mobogoi kon inimu in mopuḷú bodoyowá in tungkud, pomuḷoi in suku tumongobatú, inta musti poabat kon itoi in suku. Paisdon in tangoi mita in itoi mita kon tungkudnea,

PINOGIAPAN 7:10

Intau mita moḷoben nodia kon sosumba sin pakéon kon upacara ponabisan kon mezbah. Naonda in mosia nosadiadon modia kon bobogoi monia kon tayowon in mezbah,

PINOGIAPAN 7:84

Sosumba inta dinia in itoi mopuḷú bodoyowá sin pakéon kon ponabisan kon mezbah tatua, kobayongnea komintan: – mopuḷú bodoyowá in pindan saḷaka bo mopuḷú bodoyowá in baskom saḷaka inta kobogat intua komintan 27,6 nokilo – Mopuḷú bodoyowá in pindan buḷawan, kobogat intua komintan in 1,32 nokilo, binonuan in dupa kinopuḻing – sapi koḷakian mopuḷú bodoyowá, domba koḷakian mopuḷú bodoyowá, ki adí in domba inta umur totaong mopuḷú bodoyowá, pinoyotakin in kuruban oḷudon nobaḻí intompodnea sin pakéon kuruban payongon – bembé mopuḷú bodoyowá sin baḻíon kuruban potobut kon dosa – sapi koḷakian doyowa nopuḷú bo opat, domba koḷakian onom nopuḷú, bembé onom nopuḷú bo domba umur totaong onom nopuḷú pakéon kuruban pondamean.

MATIUS 23:19

Ei moiko intau mita bilog! Onu degá in moponti-ponting barang pinosumba andeka meja inta nokokudus kon inta pinosumba tatua?