PINOGIAPAN 6:3 - Alkitab Singog In Mongondow Masa In Tanaa

^3-4 diábí motaau in sia monginum kon anggur andeka bungai in ayop ibanea. Sia in diá doman motaau mokaan kon bungai in anggur inta bagu sinipú andeka inta ain noingkag, andeka onu kabí inta nongkon pangkoi in anggur; batoḷnea andeka tongákabí daunnea diábí motaau kaanonnea.

PINOGIAPAN 6:3 Mawu Ofanana

IMAMAT 10:9

“Naonda in mopaḷut mako monginum kon anggur ande oinumon mokoḷoḷangu, iko bo ki adímu mita in diábí motaau in tumuot kon bonu in Ḷoḷaigan-Ku. Aka moiko ḻimimpat kon atorang tatua, yo matoi. Atorang tatua musti duduian in bayongan buímu.

AMOS 2:11

Akuoi in nomiḻídon kon tongonumai in adímu mita sin mobaḻí nabi, bo tongonumai in tayowmobiagmu sin mobaḻí intau Nazir. Totuubí intua, ei intau mita in Israel? Akuoi, ki Tuhan ain nosingog.

AMOS 2:12

Táe pinoinum monimu in anggur in intau Nazir, dá nonoḻikud in mosia kon dandi monia. Bo diá inogoi monimu in nabi mita mopotaau in koyow-Ku.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

TESALONIKA 1 5:22

Bo mokopoyayú kon bayongan inta moraat.

TIMOTIUS 1 5:23

Donaaidon tongá umuran tubig in inumon, táe siga-sigad monginum kon anggur tumongopiḻik sinbá molancar in bobayá kotoran, sin iko in mokakitdon in motakit.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

HAKIM MITA 13:4

Tuamai ḷukadaidon kopiaan in awakmu. Dika monginum kon anggur ande oinumon inta mokoḷoḷangu, ande kokaanon inta pinoton.