PINOGIAPAN 5:3 - Alkitab Singog In Mongondow Masa In Tanaa

³ Mosia tua in musti pokiḷuaian, sinbá diá mokonajis kon ḷoḷaigan, tampat inta pinogutunan-Ku takin umat-Ku.”

PINOGIAPAN 5:3 Mawu Ofanana

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

IḶUAIAN 25:8

Potabádon in bangusa tatua momia kon ḷoḷaigan tobatú kon i-Nakó, sinbá Akuoi motaaudon mogutun kon yua-yuak monia.

IḶUAIAN 29:45

Akuoi in mogutun kon yua-yuak in intau Israel, bo mobaḻí ki Allah monia.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 15:31

Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

PINOGIAPAN 16:3

Mosia noyotakin minayá kon tayowon i Musa bo i Harun bo noguman, “Mobaḻídon in natua, Musa! Bayongan umat in Israel pinotondídon kon i Tuhan, bo ki Tuhan kon yua-yuakdon naton komintan. Táe nongonu sin iraimubí kon iko in moḷantu-ḷantud nongkon umat i Tuhan?”

PINOGIAPAN 19:22

Barang inta iḻiai in intau inta nonajis tatua nobaḻí doman nonajis, bo intau ibanea inta noḻiai nobaḻí doman monajis modapot in mata in singgai tumoyop.

PINOGIAPAN 35:34

Donaai moporomúmai in butá inta pinogutunan monimu, sin Akuoi ki Tuhan, bo Akuoi in nogutun kon yua-yuak in bangusa Israel.”

PINOGIAPAN 5:4

Intau in Israel dinumudui kon parenta tatua bo nopoḷuai in bayongan intau ná tatua nongkon ḷoḷaigan.

ULANGAN 23:14

Ki Tuhan Allahmu kotaki-takin monimu kon bonu in pinonḷoḷaigan monimu sin mogoḻiung kon i monimu bo mobogoi kon i monimu in kauntungan kon bayongan musungmu. Dá ḷukadai sinbá pinononḷoḷaiganmu umuran modarit. Dika modapot in kouḻían kon inta diá mopia in kon sigad monimu, sinbá diá taḷaan i Tuhan in moiko.”

ULANGAN 23:15

“Aka ata tobatú moḷagui nongkon i tuangnea bo mamangoi kon inimu bo mopoigum sinbá ḷukadanmu in sia yo dikabí potabámu mobui in sia.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.

TITUS 3:10

Intau inta mokopopisí kon ropatoi kon jamaat in musti tongginaai komintan ande kodua; aka doí in sia mokidongog yo dikadon moyobayatnea.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.