PINOGIAPAN 4:5 - Alkitab Singog In Mongondow Masa In Tanaa

⁵ Ki Tuhan nobogoi in atorang tanaa kon i Musa: Aka wakutuneadon mongokai kon ḷoḷaigan, yo ki Harun bo ki adínea mita in musti tumuot kon Ḷoḷaigan i Tuhan, moḻitod kon toḷipoi inta kon tayowon in Poti Dodandian, bo pongoḷob kon poti tatua.

PINOGIAPAN 4:5 Mawu Ofanana

TAWARIKH 1 15:15

Bo kon dodai in Poti tatua pinamping, mosia in nomotaan takin kayu pobobuḻigan podudui in atorang inta inogoi i Tuhan kon i Musa.

TAWARIKH 1 23:26

Tuamai, Ḷoḷaigan i Tuhan bo bayongan in pakakat inta pinaké kon ibada in diá bidon paraḷu potaanon in intau in Lewi.”

TAWARIKH 2 3:14

Bo kon Yuang Totok Motusi tatua inaidan doman in toipoi nongkon didit lenan bo didit ibanea inta nobidu in batangannea, nokasumba bo nopura. Toipoi tatua iḷambáan in gambar mita in kerub.

IḶUAIAN 36:35

Mosia in nomia doman kon toḻipoi in ḷoḻingkop nongkon kaeng moaḷus inta pinoyogaboḷ in kaeng wol nobidu, nokamumu bo nopura, bo sinujian doman gambar in kerub.

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

IḶUAIAN 40:5

Ukatdon in mezbah buḷawan pototubáan kon dupa kon tayowon in Poti Dodandian, bo popobambédon in toḻipoi kon ḷoḻingkop in Ḷoḷaigan.

YESAYA 25:7

Kon tudu in buḷud tatua inggamáan-Neadon in goḷom in robonoḷ in dodob inta nogoḻiung kon bangusa mita.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

PINOGIAPAN 10:14

Inta muna totok nobuat in mosia inta kon siungon in bandera pinonobatúan i Yohuda, naa in tangoi monia tua: ki Nahason, adí i Aminadab, sia in nobaḻí itoi kon pipidan suku in Yohuda,

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

PINOGIAPAN 4:4

Oaidan monia tua in monoinut bo monompia kon pakakat mita inta totok motusi.

PINOGIAPAN 7:9

Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

MATIUS 27:51

Bo indoiainmai, gorden in Baḷoi Allah nobisik nosilai doyowa nongkon ḻimonikannea nodapot in ḻimonagannea. Bo dinandúan bo buḷud mita in batu nongobotak.

ULANGAN 31:9

Bo ki Musa nomais kon hukum i Tuhan Allah bo nobogoi kon imang mita in Lewi inta pinoki aidan monompia kon Poti Dodandian, bo kon itoi mita in Israel.

IBRANI 10:20

Binukatandon i Yesus in daḷan mobagu bayáan naton, daḷan inta mobogoi in kobiagan. Daḷan tatua in mongin gorden inta awak i Yesus tontaní.

IBRANI 9:3

Kon dotá in bonunea, inta kon tumimai in gorden induanea, oyúon in yuang inta sinangoian “Yuang Totok Motusi.”

SAMUEL 1 6:19

Táe popisí in intau mita in Bet-Semes tatua iḷumongow kon bonu in Poti Dodandian i Tuhan, dá pitu nopuḷú in intau kon sigad monia tua in iḻimod i Tuhan. Bo rayat nonogumatoi sin ki Tuhan nopouma in bodito inta námai tua in koḷoben.