PINOGIAPAN 4:4 - Alkitab Singog In Mongondow Masa In Tanaa

⁴ Oaidan monia tua in monoinut bo monompia kon pakakat mita inta totok motusi.

PINOGIAPAN 4:4 Mawu Ofanana

TAWARIKH 1 23:6

Sinilai i Daud in intau in Lewi tatua nobaḻí toḷu notonsilai podudui in inanakan monia, tuata in inanakan i Gerson, i Kehat bo i Merari.

PINOGIAPAN 10:21

Nopaḷut mako nobuatdon intau mita in Kehat inta nomotaan kon barang mita motusi. Aka mosia modapot kon tampat pononḷoḷaigan moiduduimai, Ḷoḷaigan i Tuhan aindon pinosindog bui.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

PINOGIAPAN 4:24

Mosia pokiakutan in barang mita tanaa:

PINOGIAPAN 4:3

bo momais kon tangoi in bayongan ḷoḷaki inta umur toḷu nopuḷú notaong dapot in ḻima nopuḷú notaong, inta motaaudon mogaid kon Ḷoḷaigan i Tuhan.

PINOGIAPAN 4:30

Musti paison i Musa in tangoi in bayongan intau ḷoḷaki inta umur toḷu nopuḷú notaong dapot in ḻima nopuḷú notaong inta motaaudon mogaid kon Ḷoḷaigan i Tuhan.

PINOGIAPAN 4:5

Ki Tuhan nobogoi in atorang tanaa kon i Musa: Aka wakutuneadon mongokai kon ḷoḷaigan, yo ki Harun bo ki adínea mita in musti tumuot kon Ḷoḷaigan i Tuhan, moḻitod kon toḷipoi inta kon tayowon in Poti Dodandian, bo pongoḷob kon poti tatua.

PINOGIAPAN 7:9

Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.