PINOGIAPAN 32:3 - Alkitab Singog In Mongondow Masa In Tanaa

^3-4 “Butá in kotá mita in Atarot, Dibon, Yaezer, Nimra, Hesybon, Eleale, Sebam, Nebo bo Beon inta ain iḻitúan in Israel takin totuḷung i Tuhan, totuu mopia ponombobiagan. Bo popisí in bobiagon nami modamaḷ totok,

PINOGIAPAN 32:3 Mawu Ofanana

NEHEMIA 9:22

Pinopountung-Mu in mosia kon nobayong in dodatuan bo bangusa kon pinosigadan in butá monia. Hesybon butá i Datu Sihon, iḻitúan monia; Basan butá i Datu Og, inutunan monia.

YESAYA 15:6

Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

YEREMIA 48:1

Naa inta pinoguman i Tuhan Inta Totok in mokawasa, Allah in Israel soaḷ Moab, “Moboditodon intau in kotá in Nebo, kotánea in noumpagdon! Kiryataim inagow, bo dindingnea inta morigon in irimumud, dá intau inta nogutun kon tua nooyádon;

YEREMIA 48:2

noinggamádon inta nokoyunggagá kon Moab. Musung in nogagowdon kon Hesybon bo kon tua mosia in nonomayá kon monginggamá kon sinangkub in bangusa in Moab. Singog mita kon kotá in Madmen in pogogaiondon, sin kotá tatua in tubuondon in tontara.

YEREMIA 48:32

Totokbí in ombaḷan-Ku in intau in Sibma nongkon intau in Yaezer. Kotá in Sibma naonda bo pinomuḷa anggur inta tanganea mita kinumapot nodapot kon ḷoḷan in Laut Mati nodapot in Yaezer. Táe tanaa bungainea mita sempo in poninggai bo bungai in anggurnea ain iropú.

YEREMIA 48:34

Intau kon Hesybon bo kon Eleale in mongombaḷ bo ombaḷnea in kodongogan modapot kon Yahas, bo kinodongogan doman in intau mita nongkon Zoar nodapot kon Horonaim bo Eglat-Selisia. Mosia in nongombaḷ sin tubig kon Tapá in Nimrim in noingkag domandon.

YEREMIA 48:45

Inanakan in moḷoḷagui inta kinodaitan in daya in minayá nogadop kon Hesybon, táe kotá tatua in koyogotdon in mopokak bo komaḻig i Datu i Sihon in kaanon domanmai in tuḷú. Tuḷú in nomokakdon kon butá pinosigadan bo buḷud in Moab, butá in intau mita inta moibog moparang.

YEHEZKIEL 25:9

Tuamai in kotá mita inta moḷukad kon sigad mita in butá in Moab in pomayá-Kudon mako tubuon in musung moitakin doman in kotá mita inta totok in mogaga, tuata in: Bet-Yesimot, Baal-Meon bo Kiryataim.

PINOGIAPAN 21:28

Nokoimontandon nobaḻí nongkon kotá tanaa tontara in Sihon nonubu naonda bo tuḷú. Inta nokorimumud kon kotá in Ar kon Moab, bo nongawasa kon buḷud mita inta kinoouput in Arnon.

PINOGIAPAN 21:30

Táe naa in noyopúdon in buí monia, kon kinoouput in daḷan nongkon Hesybon nopobayá ná Dibon, nongkon Nasyim nopobayá in Nopah kon diug in Medeba.”

PINOGIAPAN 21:32

Onda intua ki Musa nopotabá kon intau mita minayá notayak kon daḷan inta totok in mopia sin monubu kon kotá in Yaezer. Bo intau in Israel nokoagow kon kotá tatua takin doman kotá mita inta nongointok kon diugneamai bo nopoguntun kon intau mita in Amori inta nogutun kon tua.

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

PINOGIAPAN 32:2

dá minayádon in mosia kon tayowon i Musa, i Imang Eleazar, bo in itoi mita ibanea nongkon Israel. Mosia in noguman,

YOSUA 13:17

noituot doman in Hesybon bo bayongan in kotá inta kon rata moḷantud tatua, tuata in Dibon, Bamot-Baal, Bet Baal-Meon,

YOSUA 13:19

Kiryataim, Sibma, Zeret-Hasahar inta noiukat kon tudu in buḷud kon ḷopá tatua,

HAKIM MITA 11:26

Toḷu nogatut notaong in koonggotnea Israel nongawasa kon Hesybon bo Aroër takin ḻipú mita inta kon ḻibuneamai, bo bayongan in kotá mita inta kon bingkí in Ongkag in Arnon. Bo nongonu sin kon dodai intua diábí ginamámu bui?