PINOGIAPAN 3:9 - Alkitab Singog In Mongondow Masa In Tanaa

⁹ Nongkon bangusa Israel tatua, tongábí suku i Lewi in pokiaidan-Ku in oaidan tatua sin mobantung kon i Harun bo buínea.

PINOGIAPAN 3:9 Mawu Ofanana

TAWARIKH 1 15:2

Ki Daud noguman, “Tongábí intau in Lewi in motaau mobuat kon Poti Dodandian i Tuhan, sin mosiabí tua inta piniḻí i Tuhan momotaan kon Poti tatua bo mogundoi kon i-Nia moidapot in mononoi.”

TAWARIKH 1 6:33

Pipidan in pinomuían in intau mita inta inogoian in oaidan tatua in noiduduimai naa: Nongkon inanakan i Kehat: ki Heman adí i Yoël. Sia in nobaḻí itoi kon intau mita inta mododondong inta imitánea. Pipidan in pinomuían nongkon ḻimonag bo pinoonik nodapot kon i Yakub in: ki Heman, ki Yoël, ki Samuel,

EZRA 2:43

Naa in tangoi in bui in motoḷuadí in intau mita inta mogogaid kon Baḷoi Tuhan inta nobui nongkon pinoḷumbúan: Ki Ziha, ki Hazupa, ki Tabaot, Ki Keros, ki Siaha, ki Padon, Ki Lebana, ki Hagaba, ki Akub, Ki Hagab, ki Samlai, ki Hanan, Ki Gidel, ki Gahar, ki Reaya, Ki Rezin, ki Nekoda, ki Gazam, Ki Uza, ki Paseah, ki Besai, Ki Asna, ki Meunim, ki Nepusim, Ki Bakbuk, ki Hakupa, ki Harhur, Ki Bazlut, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

EZRA 6:18

Bo inta pinaké kon pinogundoian kon bonu in Baḷoi Tuhan mosia in nopoyotondí kon imang mita bo intau mita in Lewi podudui in atorang inta pinais kon bonu in buk i Musa.

EZRA 8:20

Koḻikud intua oyúon doman in 220 in intau inta mogogundoi kon Baḷoi Tuhan inta kinopaisandon in tangoi monia. Mogoguyang monia pinangkoi nongkon koḻipod in sinantúdon i Datu Daud bo intau mita moḷoben kon dodatuan sin mobantung kon intau in Lewi.

PINOGIAPAN 16:9

Degá pinikirmai monimu soaḷbí mointok in pinomiḻían i Allah Israel kon i monimu nongkon sigad in intau mita in Israel sinbá motaau dimiug kon i-Nia, bo mopobayá in oaidan-Nea kon Ḷoḷaigan-Nea, poḷat mogaid kon kopontingan umat Israel bo mogundoi kon i monia?

PINOGIAPAN 18:2

Ginaḷummu mita, suku Lewi, musti potakinmu doman mobaḻí bobantung kon pogaidanmu bo pogaidan i adímu mita.

PINOGIAPAN 3:8

Oaidan monia tua in monoinut kon bayongan touḷut kon Ḷoḷaigan-Ku bo mogaid kon oaidan kon Ḷoḷaigan-Ku tua mobaḻí toḻiu in intau mita in Israel.

PINOGIAPAN 8:14

Upacara tatua in popotondían monimu kon intau mita in Lewi nongkon intau mita in Israel ibanea, sinbá mosia mobaḻí kapunyaan-Ku.

PINOGIAPAN 8:16

Mosia in binaḻí-Kudon toḻiu in adí guya-guyang Israel; dá mosia tua in sinantúdon kon i-Nakó.

PINOGIAPAN 8:18

Bo tanaa in nobaḻí toḻiu in bayongan adí guya-guyang in intau Israel, ginamá-Kudon in intau mita in Lewi,

PINOGIAPAN 8:19

bo intau mita in Lewi tatua ogoi-Kudon kon i Harun bo kon i adínea mita, sinbá motaaudon mogaid mobaḻí toḻiu in intau Israel kon bonu in Ḷoḷaigan-Ku. Bo bá mosia in mopoigum doman kon pongampungan nongkon i-Nakó kon bayongan taḷá in intau Israel sinbá bangusa tatua diá popoumaan in bodito aka mosia mamangoi mokopodiug totok kon tampat inta motusi tatua.”

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

EPESUS 4:8

Sin kon bonu in Buk Motusi ain pinais nanaa, “Wakutu in Sia namonik in tampat inta totok in moḷantud, Sia nodia kon intau mobayong inta sinokodomok; bo Sia in nobogoi in totabi mita kon intau.”