PINOGIAPAN 3:8 - Alkitab Singog In Mongondow Masa In Tanaa

⁸ Oaidan monia tua in monoinut kon bayongan touḷut kon Ḷoḷaigan-Ku bo mogaid kon oaidan kon Ḷoḷaigan-Ku tua mobaḻí toḻiu in intau mita in Israel.

PINOGIAPAN 3:8 Mawu Ofanana

TAWARIKH 1 23:27

Podudui in parenta mita i Daud pangabisan, bayongan in intau in Lewi, aka umurdon doyowa nopuḷú notaong, musti paisondon in tangoi sin mopobayá in oaidan.

TAWARIKH 2 29:11

Adíku mita, dikadon mogoḷat mongo toonu, sin moikobí inta ain piniḻí i Tuhan moibada bo mogundoi kon i-Nia bo poḷat motubá kon dupa bo modia kon rayat moibada.”

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

PINOGIAPAN 10:17

Bo Ḷoḷaigan i Tuhan kinokai, bo nobuatdon in inanakan i Gerson bo i Merari inta nomotaan kon Ḷoḷaigan tatua.

PINOGIAPAN 10:21

Nopaḷut mako nobuatdon intau mita in Kehat inta nomotaan kon barang mita motusi. Aka mosia modapot kon tampat pononḷoḷaigan moiduduimai, Ḷoḷaigan i Tuhan aindon pinosindog bui.

PINOGIAPAN 3:7

Mosia in musti mopobayá in oaidan kon Ḷoḷaigan-Ku bo musti mobantung kon imang mita bo bayongan umat takin mogaid kon oaidan tatua kon Ḷoḷaigan-Ku tatua.

PINOGIAPAN 3:9

Nongkon bangusa Israel tatua, tongábí suku i Lewi in pokiaidan-Ku in oaidan tatua sin mobantung kon i Harun bo buínea.

PINOGIAPAN 31:30

Nongkon tonsilai inta inogoi kon umat Israel, musti pogamáanmu tumongo batu kon pomuḷoi in ḻima nopuḷú, pinomayá intau mita inta sinoko domok kon parang, andeka sapi, keledai, domba bo bembé. Poabat intua kon intau in Lewi inta noḷukad kon Ḷoḷaigan-Ku.”

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

PINOGIAPAN 4:28

Tuata in oaidan in intau mita i Gerson kon bonu in Ḷoḷaigan; oaidan mita tatua musti aidan monia podudui in totundú i Itamar, adí i Imang Harun.

PINOGIAPAN 4:33

Tuata in aidan in inanakan i Merari; bayongan oaidan monia kon Ḷoḷaigan i Tuhan musti aidan kon bonu in tongganut i Itamar, adí i Imang Harun.