PINOGIAPAN 27:3 - Alkitab Singog In Mongondow Masa In Tanaa

³ “Ki amá nami minatoi kon padang gurun bo sia in diá kogadí kon ḷoḷaki. Sia tua in deemanbí dumodudui i Korah inta nomarontak kon i Tuhan. Ki amá nami tua in minatoi popisí in dosaneabí tontaní.

PINOGIAPAN 27:3 Mawu Ofanana

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

PINOGIAPAN 14:35

Akuoi in mongibot kon aidan-Kubí intua kon i monimu, intau mita moraat inta noyopakat moḷawang kon i-Nakó. Moiko matoi komintan kon padang gurun tanaa. Akuoi, ki Tuhan ain nosingog.’ ”

PINOGIAPAN 16:19

Onda intua ki Korah nosipun kon bayongan umat bo mosia sinimindog noyogintayow i Musa bo i Harun kon tayowon in Ḷoḷaigan i Tuhan. Daḻíbí in bayongan umat nokoontong kon sindar i Tuhan inta mokotuḷow.

PINOGIAPAN 16:49

Kobayong in intau inta minatoi tungkuḷ intua in 14.700, diápabí pinoyoiap in intau mita inta minatoi kon dodai in pinomarontakan i Korah.

PINOGIAPAN 26:33

Ki Zelapehad adí i Heper diá kogadí kon ḷoḷaki, tongá bobay. Tangoi monia in ki Mahla, ki Noa, ki Hogla, ki Milka bo ki Tirza.

PINOGIAPAN 27:2

Ki adí i Zelapehad ḻima tatua inta minayá kon tayowon i Musa, bo i Imang Eleazar, bo itoi mita bo bayongan umat inta noyosipunmai kon diug in ngara in Ḷoḷaigan i Tuhan. Guman monia,

PINOGIAPAN 27:4

Táe nongonu sin tangoinea in mustibí popatan nongkon bangusa in Israel tongá popisí in sia diá kogadí kon ḷoḷaki? Ogoiaidon kami in butá tonsilai nami kon yua-yuak in utat mita i amá nami.”

YOHANES 8:21

Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.