PINOGIAPAN 24:3 - Alkitab Singog In Mongondow Masa In Tanaa

³ bo sia in nopotaau kon onu inta mobaḻí moiduduimai, “Naadon in koyow i Bileam, adí i Beor, tosingogon in intau tobatú inta mosindap in mata

PINOGIAPAN 24:3 Mawu Ofanana

DATU MITA IMITÁNEA 22:17

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia tua in naondadon bo domba inta diá in gombala, bo ki Tuhan in noguman kon i monia, ‘Intau mita tanaa in diádon ko itoi. Biódon mako mosia in mobui takin mosaḷamat.’ ”

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

AYUB 29:1

Ki Ayub in nongingguput kon tosingogonnea, kainia,

PINOGIAPAN 22:31

Bo binukádon i Tuhan in mata i Bileam dá inontongneadon in malaekat i Tuhan sinimindog kon tua kokada-kadai in pitow inta ain sinonggó. Dá baḷúdon in ki Bileam dinumokó bo nosumba.

PINOGIAPAN 23:18

bo ki Bileam nopotaau in onu inta mobaḻí naa, “Ei, Balak, adí i Zipor, koḻigai kon naa, indongogaipa onu inta pogumanku naa.

PINOGIAPAN 23:7

Bo ki Bileam nopotaau kon onu inta mobaḻí naa, “Nongkon Aram, buḷud kon pomukaan tatua, ki Balak, datu in Moab mogoiní kon inakó, kainia, ‘Angoipa, posingogpa kon inakó. Kutukpa in bangusa Israel tatua!’

PINOGIAPAN 24:15

Bo ki Bileam nopotaau in onu in mobaḻí tua, “Naa in koyow i Bileam, adí i Beor; tosingogon in intau inta mosindap in mata

PINOGIAPAN 24:16

inta ain nokodongog kon tosingogon mita i Allah, bo inta notaau monotaau kon i Inta Totok in Moḷantud inta pinoki pogontongan i Inta Totok Mokawasa kouḻi-uḻid tongá kobuka-buká in mata.

PINOGIAPAN 24:4

inta ain nokidongog kon tosingogon mita i Allah bo inta ain pinoki pogontongan i Inta Totok Mokawasa, kouḻi-uḻid, tongá kobuka-buká in mata.