PINOGIAPAN 2:2 - Alkitab Singog In Mongondow Masa In Tanaa

² “Kon dodai intau Israel moposindog in ḷoḷaigan, bayongan intau musti mogutun kon ḷoḷaigan kon ḻibumai in bandera pinonobatúannea takin tomponuot in inanakannea tontaní. Ḷoḷaigan mita tatua musti daiton posindogon kon ḻibumai in Ḷoḷaigan-Ku, táe koḻin yayúon nongkon tua.”

PINOGIAPAN 2:2 Mawu Ofanana

MAZMUR 74:4

Musung-Mu mita in moromaḷú kon Baḷoi-Mu, bo mobangon kon bandera kinountungan kon tua.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.

ZAKHARIA 9:16

Aka singgai tatua moiangoi, ki Tuhan in moposaḷamatbí kon umat-Nea, naonda bo gombala moposaḷamat in dombanea nongkon anib. Mosia in monindarbí kon butá i Tuhan, naonda bo permata mahkota inta mopouḻi-uḻinag.

PINOGIAPAN 1:50

Potabádon in mosia tua monoinut kon Ḷoḷaigan-Ku takin bayongan touḷutnea. Oaidan monia tua in momotaan kon Ḷoḷaigan-Ku takin bayongan touḷutnea poḷat monoinut. Mosia in musti mononḷoḷaigan kon ḻibunea.

PINOGIAPAN 10:14

Inta muna totok nobuat in mosia inta kon siungon in bandera pinonobatúan i Yohuda, naa in tangoi monia tua: ki Nahason, adí i Aminadab, sia in nobaḻí itoi kon pipidan suku in Yohuda,

PINOGIAPAN 10:18

Onda intua nobuatdon in lasikar inta kon siungon in bandera pinonobatúan i Ruben, naa in tangoi monia: Ki Elizur adí i Syedeur nobaḻí itoi kon pipidan in suku i Ruben.

PINOGIAPAN 10:22

Moiduduimai kon tua in lasikar inta kon siungon in bandera pinonobatúan in suku i Epraim, naa in tangoi monia: Ki Elisama adí i Amihud nobaḻí itoi kon pipidan suku i Epraim,

PINOGIAPAN 10:25

Pangabisannea nobuat in lasikar inta kon siungon in bandera pinonobatúan in suku Dan. Mosia tua in nobaḻí pongawal kon tumi in bayongan pinonobatúan. Mosia minayá podudui in pipidan monia: ki Ahiezer adí i Amisyadai in nobaḻí itoi kon suku Dan.

PINOGIAPAN 2:1

Ki Tuhan noguman kon i Musa bo kon i Harun:

PINOGIAPAN 2:10

Kon dotá in toḷatan, tontara inta noniung kon bandera pinonobatúan i Ruben, musti mononḷoḷaigan podudui in tontara takin itoi monia tontaní kon bonu in pipidan tanaa: suku Itoi Kobayong intau Ruben Ki Elizur adí i Syedeur 46.500 Simeon Ki Selumiel adí i Zurisyadai 59.300 Gad Ki Elyasap adí i Rehuel 45.650 kobayongnea: 151.450 Pinonobatúan i Ruben musti mobuat kon induanea.

PINOGIAPAN 2:3

Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: Suku Itoi Kobayong intau Yohuda Ki Nahason adí i Aminadab 74.600 Isakhar Ki Netaneel adí i Zuar 54.400 Zebulon Ki Eliab adí i Helon 57.400 kobayongnea: 186.400 Pinonobatúan i Yohuda musti totok kon muna mayá.

PINOGIAPAN 24:2

bo nokoontong kon bangusa Israel inta nononḷoḷaigan inta sinondi-tondí pinodudui in suku bangusanea. Bo Roho i Allah nongawasa kon i Bileam,

KORINTUS 1 14:33

Sin doíbí in ki Allah kon kobobiag intau motombauk. Koibog-Nea in kobobiagbí inta motompia. Ná inta nobaḻídon kon bayongan jamaat i Allah,

KORINTUS 1 14:40

Tua komintan in musti aidan kopiaan bo kotompiaan.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

KOLOSE 2:19

sahingga in diádon kumadai kon i Kristus inta nobaḻí tongguḷu. Kon bonu in pimpinan i Kristus, bayongan in awak iḷukadan bo sinobatú in sendinea mita, poḷat nobiag podudui in ibog i Allah.

YOSUA 3:4

táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”