PINOGIAPAN 19:3 - Alkitab Singog In Mongondow Masa In Tanaa

³ Ogoidon in sapi tatua kon i Imang Eleazar. Biag tatua in musti diaan kon ḷuai in pinononḷoḷaigan bodongka ratáan kon tayowon i imang.

PINOGIAPAN 19:3 Mawu Ofanana

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

IMAMAT 24:14

“Diadon in intau tatua kon ḷuai in ḷoḷaigan. Bayongan intau inta nokodongog kon inia nogodi-godimai, musti mopoukat in ḻima monia kon uḷu in intau tatua sin mobogoi in katarangan kon sia in kotaḷá. Bo bayongan umat musti mogarab in batu kon inia dapot in matoi.

IMAMAT 4:11

Táe tapú in sapi tatua, kuḻitnea, uḷunea, sioḷnea, bonu in sian kiagatnea kon tua moigapí doman in kompongnea,

IMAMAT 4:12

dá tua mita koḻikudbí in tongosilai inta ain pinotondí, tua in musti diaan kon ḷuai in ḷoḷaigan. Kon tampat tatua sapi tatua musti tubáan kon tudu in kayu ponontuḷú kon tampat poḷumbúan kon ḷobud, tampat inta sinuodbí inaidan natua.

IMAMAT 4:21

Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

PINOGIAPAN 15:36

Dá bayongan umat modia kon inia poḷuai in ḷoḷaigan bo mogandur in batu kon inia dapot in matoi, ná inta pinarenta i Tuhan.

PINOGIAPAN 19:9

Bo intau tobatú inta diá nonajis musti mosipun kon ḷobud in sapi bo ukatonnea kon tampat inta modarit kon ḷuai in pinononḷoḷaigan. Ḷobud tatua sinagú kon tua sinbá umat Israel motaau mopomaké intua aka mogaid kon tubig in upacara ponusian bo potobutan kon dosa.

PINOGIAPAN 3:4

Táe ki Nadab bo ki Abihu in minatoi kon padang gurun Sinai, kon tungkuḷ in mosia minayá kon tayowon i Tuhan bo nodia kon tuḷú inta diá kinoibog i Tuhan. Taya dua tua in diá kogadí. Dá kon dodai in ki Harun nobiagpa, ki Eleazar bo ki Itamar in nobaḻí imang.

PINOGIAPAN 5:2

“Potaau in parenta tanaa kon intau Israel: Bayongan in intau kinotugatan in takit in kuḻit inta mokobahaya, andeka takit kon dodiaan, andeka inta ain noḻiai kon intau minatoi, musti poḷuaion kon pinononḷoḷaigan intau in Israel.