PINOGIAPAN 13:2 - Alkitab Singog In Mongondow Masa In Tanaa

² “Nongkon batúan in suku kon Israel potabádon tumongobatú nongkon sigad in itoi mita monia sin mayá monaridi kon butá in Kanaan inta ogoi-Ku kon intau in Israel.”

PINOGIAPAN 13:2 Mawu Ofanana

IḶUAIAN 18:25

bo sia in nomiḻídon kon tongonumai intau mita mobijaksana kon sigad in bangusa Israel. Sinundúnea in mosia nobaḻí itoi kon paanan intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú.

PINOGIAPAN 1:4

Kon batúan in suku, poigumaidon kon itoi tobatú nongkon suku tatua sin mobantung kon i monimu.”

PINOGIAPAN 11:16

Bo ki Tuhan noguman kon i Musa, “Sipundon nongkon sigad in bangusa mita Israel in guhanga mita in ḻipú pitu nopuḷú in kobayongnea inta ináku nobaḻí itoi in bangusa. Dia in mosia kon tayowon-Ku, bo pokisindogaidon in mosia kon diugmu.

PINOGIAPAN 13:16

Tuata in intau mita mononoimata inta pinotabá i Musa monaridi kon butá tatua. Ki Hosea adí i Nun binaḷuaian i Musa in tangoinea ki Yosua.

PINOGIAPAN 13:3

Podudui in parenta i Allah tatua, ki Musa nopotabá kon i monia nongkon padang gurun Paran. Bayongan intau inta pinotabá tua in itoi mita kon sigad intau Israel: Suku Itoi Ruben Syamua adí i Zakur Simeon Sapat adí i Hori Yohuda Kaleb adí i Yepune Isakhar Yigal adí i Yusup Epraim Hosea adí i Nun Benyamin Palti adí i Rapu Zebulon Gadiel adí i Sodi Manasye Gadi adí i Susi Dan Amiel adí i Gemali Asyer Setur adí i Mikhael Naptali Nahbi adí i Wopsi Gad Guel adí i Makhi

PINOGIAPAN 32:8

Ki amá mita monimu nomia doman naníon, kon tungkuḷ in mosia pinotabáku nongkon Kades-Barnea sin mayá moḻibu kon butá tatua.

PINOGIAPAN 34:18

Tundúdon doman in itoi tobatú nongkon batúan suku sin mobantung kon i Eleazar bo kon i Yosua sin mosilai kon butá tatua.”

ULANGAN 1:15

Tuamai kon sigad in itoi mita inta piniḻí monimu, tongonumai in intau inta mobijaksana bo inta kopongalaman ginamáku bo binaḻíkudon tongguḷu kon i monimu. Oyúon in binaḻí itoi kon intau toribu, ibanea doman in binaḻí itoi kon intau mogatut, ibanea in itoi kon intau ḻima nopuḷú bo ibanea in itoi kon intau mopuḷú. Akuoi in noduí doman kon itoi mita ibanea sin moindoi bo monompia kon sukumu mita.

ULANGAN 9:23

Bo kon dodai in moiko pinotabá i Tuhan monaḷámai kon Kades-Barnea sin mayá bo ḻimitú kon butá inta bain ogoi-Nea kon inimu, moiko noḷawang kon parenta i Tuhan Allahmu; moiko doí mopirisaya ande motoindudui kon i-Nia.

YOSUA 3:12

Tanaa in pomiḻídon in moiko kon intau mopuḷú bodoyowá – tumongobatú in kon tongosuku in bangusa Israel.