PINOGIAPAN 10:9 - Alkitab Singog In Mongondow Masa In Tanaa

⁹ Bo aka moiko moparang kon butá monimu sinbá diá kawasaan in musung inta monubu, irup in torompet mita tatua. Dá Akuoi, ki Tuhan Allahmu, in motuḷung bo moposaḷamat kon i monimu nongkon musungmu mita.

PINOGIAPAN 10:9 Mawu Ofanana

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

TAWARIKH 2 13:12

Itoi nami in ki Allah tontaní bo imang-Nea mita in kon naa. Mosia in nosadiadon mogirup kon torompet nobaḻí tomponuot kon kami in monubudon kon i monimu. Ei intau in Israel, dikabí moḷawang kon i Tuhan, Allah in mogoguyangmu! Diábí in moiko mokountung!”

TAWARIKH 2 13:14

Naonda in inontong in tontara in Yohuda kon mosia in kinopungdon, nomaḷú in mosia mopoigum in totuḷung kon i Tuhan. Imang mita nogirup kon torompet,

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 106:42

Bo mosia in dinorot in musung mita monia, bo pinotungkud kon ḻimonag in kawasa monia.

MAZMUR 136:23

Sia in diábí nokoḻiong kon i naton kon tungkuḷ in kita sinaḷow; tabi-Nea in umuran mononoi.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 4:21

Modapot in toonu intua in ontongonku intau simimpatoi in moparang? Modapot in toonu in dongogonku singog in torompet inta mokobongoḷ?

YEREMIA 4:5

Irupdon in torompet kon sinangkub in butá! Pomaḷúdon kosilang bo koḷangon. Potabádon in intau in Yohuda bo Yerusalem moḷagui mayá in kotá mita inta dininding.

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.

YEREMIA 6:17

Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEHEZKIEL 7:14

Torompet in mosingog bo bayongan in intau mosadia. Táe diábí tobatúmai in intau in mayá kon tampat poparangan, sin torú i Allah moiantug kon bayongan in intau.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

ZEPANYA 1:16

Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

PINOGIAPAN 31:6

Ki Musa nopotabá kon i monia mayá moparang moyotakin i Pinehas adí i Imang Eleazar. Ki Pinehas in nodia kon barang mita motusi bo torompet mita inta baḻíon tomponuot mita.

KORINTUS 1 14:8

Andeka torompet inta diá kodongogan motarang in singognea, yo ki inebí in mobasadia moparang?

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

YOSUA 6:5

Onda intua imang mita tatua musti mogirup kon torompetnea koonggoton. Naonda in kodongogan monimu in singognea inta moonggot tua, bayongan in tontara musti morogiow koropoton totok, dá dinding in kotá tatua in moumpagdon. Bo moiko komintan in baḷúdon tumuot kon kotá tatua.”

HAKIM MITA 10:8

Mopuḷú bo waḷu notaong in bangusa doyowa tatua nopoyoyigamai kon bayongan intau in Israel inta nogutun kon Gilead, tuata in butá in intau Amori kon dotá in pomukan kon Ongkag in Yordan. Moraatdon totok in pinogogaid monia kon intau in Israel.

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.

HAKIM MITA 3:27

Naonda in nodapot kon buḷud in Epraim, sia in nogirup kon torompet sin mogoiní kon intau in Israel moparang. Mosia in namangoi bo dinianea in mosia nosiḻig kon buḷud tatua.

HAKIM MITA 6:34

Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia.

HAKIM MITA 6:9

Moiko ain pinosaḷamat-Ku nongkon intau in Mesir bo nongkon intau mita kon butá tanaa inta momarang kon i monimu. Mesir ain pinoguntun-Ku nongkon butá tanaa kon dodai in moiko nonubu kon i monia, bo inogoi-Ku in butá monia kon inimu.

SAMUEL 1 10:18

bo noguman in sia kon i monia, “Naadon inta pinoguman i Tuhan, Allah in Israel, ‘Akuoi in nodiadon kon i monimu iḻumuai nongkon Mesir bo nopoḷuatdon kon i monimu nongkon kawasa in intau in Mesir bo bayongan in bangusa ibanea inta nopororiga kon i monimu.