PINOGIAPAN 10:1 - Alkitab Singog In Mongondow Masa In Tanaa

¹ Ki Tuhan in noguman kon i Musa,

PINOGIAPAN 10:1 Mawu Ofanana

KINOBAḺIAN 42:13

Tubag monia, “Kami naa in mopuḷú bodoyowá mogutat, Tuangku, kami naa in adí toamáan kon butá in Kanaan. Tobatú kon sigad nami ain minatoi bo inta muit tanaa mako in kotaki-takin i amá nami.”

KINOBAḺIAN 46:15

Mosia tua in ki adí mita i Lea kon i Yakub inta pinononggadí kon Mesopotamia, koḻikud intua ki adínea doman bobay inta tangoinea ki Dina. Dá bayongan buí i Yakub nongkon i buḷoinea ki Lea kobayongnea in toḷu nopuḷú botoḷú.

SAMUEL 2 6:15

Natuata in nobaḻí ki Daud bo bayongan in rayat in Israel nomamping kon Poti in Dodandian tatua kon Yerusalem, sinakinan in giow bo singog in torompet.

DATU MITA 2 11:14

Inontongnea in datu inta nobagu tatua sinimindog kon ngara tumuot in Baḷoi Tuhan kon tampat pinoduían kon inia, iḻibu in porwira mita bo mogogirup mita kon torompet. Bayongan in rayat norogiow takin pia in gina sindaḷan nogirup kon torompet. Takin yaat in gina ki Atalya nomerak kon ḷambungnea, bo nomaḷú, “Bangkang! Bangkang!”

TAWARIKH 2 23:13

Inontongnea in datu inta mobagu tatua sinimindog kon ngara tumuot kon Baḷoi Tuhan, kon tampat inta pinoduían kon inia, iḻibu in porwira mita bo intau inta mogogirup kon torompet. Bayongan in rayat norogiow nopia-pia in gina poḷat doman nogirup kon torompet, bo intau mita inta mogogogitog in musik kon Baḷoi Tuhan dinumudui doman noginrame kon pinoramean tatua takin nopomaké in pakakat mita in musik monia. Takin sakí in gina ki Atalya nomerak kon ḷambungnea bo nomaḷú, “Bangkang! Bangkang!”

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

EZRA 3:10

Kon dodai in nomangkoidon nogukat kon pondasi in Baḷoi Tuhan, imang mita nogijubah bo kokada-kadai in torompet nogamádon kon tampat monia tontaní. Intau mita in Lewi nongkon inanakan i Asap in sinimindog doman kon tua kokada-kadai in goḷantung mongointok. Mosia in nodayow kon i Tuhan podudui in atorang inta ain sinantú kon tungkuḷ in ki Datu Daud.

MAZMUR 47:5

Piniḻí-Neadon kon inaton in butá budel naton, inta kinoyunggaga in bangusa inta kinotabi-Nea.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

MAZMUR 98:6

Irupdon in torompet bo sangkakala, porogiowdon kon i Tuhan, Datu naton.

PINOGIAPAN 1:52

Intau mita Israel ibanea musti moposindog in ḷoḷaigan monia tonta-tontaníon, pomuḷoi in intau kon kapunyaannea tonta-tontaní in kon diug in banderanea-banderanea.

PINOGIAPAN 10:2

“Pomia kon torompet doyowa inta nongkon saḷaka tontaḷon sin pakéon pogoinían kon umat moyosipun andeka mopotabá kon i monia mayá.

PINOGIAPAN 29:1

Kon singgai imitánea buḷan noginpitu moiko musti momia kon poyodungkuḷan sin moibada, bo diádon in motaau mogaid kon oaidan inta mobogat. Kon singgai tatua bayongan torompet musti daiton irupon.

PINOGIAPAN 7:2

Bo bayongan intau moḷoben in Israel, inta nobaḻí tongguḷu in suku inta kitogi totaau kon pogiapan kon intau,

PINOGIAPAN 9:23

Mosia in mogutun kon tobatú tampat bo mobuat mayá in tampat ibanea podudui in parenta i Tuhan inta pinotaau i Tuhan kon i Musa.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

WAHYU 8:2

Bo akuoi in nokoontong kon pitu in malaekat inta sinimindog kon tayowon i Allah bo inogoian doman in torompet pitu in mosia.

HAKIM MITA 7:20

Doyowa nopaanan ibanea in dinumudui domandon nomia kon natua. Bo mosia in notonggódon komintan kon poḷombow mita monia takin nomaké in ḻima monia koḷoigi, bo nogirup kon torompet inta kon ḻima monia koḷanan. Mosia nomaḷú, “Kedang kon i Tuhan bo kon i Gideon!”