PINOGIAPAN 1:1 - Alkitab Singog In Mongondow Masa In Tanaa

¹ Kon singgai imitánea buḷan nogindua kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon bonu in Ḷoḷaigan i Tuhan kon padang gurun Sinai. Kai-Nia,

PINOGIAPAN 1:1 Mawu Ofanana

DATU MITA IMITÁNEA 6:1

Ki Salomo nomangkoi noposindog in Baḷoi Tuhan kon buḷan Ziw, tuata in buḷan nogindua, kon taong noginggopat kon pinomarentaannea, 480 notaong naonda in bangusa in Israel nonaḷámai kon Mesir.

IḶUAIAN 19:1

Nopaḷut mako kon tua bangusa Israel nonaḷámai kon Rapidim, bo kon tanggal tobatú buḷan nogintoḷu naonda in mosia nonaḷámai kon Mesir, nodapotdon in mosia kon padang gurun Sinai. Mosia in nononḷoḷaigan kon sioḷmai in Buḷud Sinai,

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 40:17

Dá kon tanggal imitánea kon buḷan dungkuḷ kon taong nogindua naonda in bangusa Israel nonaḷámai kon butá in Mesir, Ḷoḷaigan i Tuhan pinosindogdon.

IḶUAIAN 40:2

“Posindogdon in Ḷoḷaigan-Ku kon tanggal imitánea kon buḷan dungkuḷ.

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

PINOGIAPAN 1:18

in nopotabá kon bayongan umat noyosipun kon singgai imitánea buḷan nogindua, bodongka pinipid in inanakan monia podudui in inanakan mita inta oyúon kon bonu in batúan suku monia. Tangoi in bayongan intau ḷoḷaki inta umurdon doyowa nopuḷú notaong bo namonik pinais bo iniap,

PINOGIAPAN 12:4

Bo daḻídon ki Tuhan noguman kon i Musa, kon i Harun bo kon i Miryam, “Kamu toḷu bayádon kon Ḷoḷaigan-Ku.” Bo minayá domandon in mosia kon tua

PINOGIAPAN 9:1

Kon buḷan imitánea kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon padang gurun Sinai. Guman i Tuhan,

ULANGAN 1:3

Kon singgai noginmitá kon buḷan mopuḷú bo mita kon taong noginggopat nopuḷú naonda in mosia nonaḷámai kon Mesir, ki Musa nopotaau kon bangusa tatua in bayongan inta pinoki potaau i Tuhan kon monia.

ULANGAN 2:14

Tua in nobaḻí toḷu nopuḷú bo waḷu notaong naonda in kita nonaḷámai kon Kades Barnea. Bayongan tontara kon dodai intua ain minatoi ná inta pinoguman i Tuhan.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.