PETRUS 2 3:7 - Alkitab Singog In Mongondow Masa In Tanaa

⁷ Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

PETRUS 2 3:7 Mawu Ofanana

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

MAZMUR 50:3

Ki Allah naton in namangoi bo tongá kibio-biómai, Sia in inunaan in tuḷú inta modilá, bo iḻibu in deḷang inta motoyang.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 10:15

Pogumanku kon i monimu! Kon singgai pohakiman, intau mita in Sodom bo Gomora in mogaa-gaan in hukumannea nongkon intau mita tatua!”

MATIUS 11:22

Tongá pokotoropdon, “Kon singgai pohakiman, hukuman kon intau mita in Tirus bo Sidon in mogaa-gaan nongkon hukuman kon i monimu.

MATIUS 11:24

Manangka intua poguman-Ku kon i monimu: “Kon singgai in pohakiman, hukuman kon intau mita in Sodom in mogaa-gaan nongkon hukuman kon i monimu.”

MATIUS 12:36

Táe poguman-Ku kon i monimu; Pomuḷoi in singog inta diá in mangaḻenea inta aindon siningog in intau yo musti tubagannea kon singgai pohakiman.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MARKUS 6:11

Táe aka moiko bo moibayá in tobatú tampat, bo intau mita kon tua doí motarima bo doí mokidongog kon i monimu, yo taḷaaidon in tampat tatua. Bo topiraidon ḷobud nongkon sioḷmu saḷaku tompoingat kon i monia!”

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

KORINTUS 1 3:13

Bayongan onu inta inaidan in intau modaitbí koontongan kon wakutu in koangoian bui i Kristus. Sin kon wakutu intua tuḷubí in mopoontong kon bayongan inta inaidan in intau. Tuḷubí in moguji bo monantú kon mopia andeka diá in oaidan mita tatua.

PILIPI 1:28

Bo topiḻikmai dikabí moondok kon saturumu mita; sin aka diá moondok in moiko, yo tua in mopoontong kon mosia in taḷowonbí bo moiko in mountung, sin ki Allahbí tontaní in mobogoi intua kon i monimu.

TESALONIKA 2 2:3

Naondakadon in habar dinongog monimu, yo donaaibí baḷú kopongaruan monia in moiko, sin tongábí uboḷ i monia inta moibog mopongaru kon intau ibanea. Sinbá kotaauandon monimu, kon wakutu in diápa moiangoi in singgai tatua, munapabí nanaa in mobaḻí: Mobayong in intau mobaḷui in pirisaya bo monaḷámai kon i Kristus; bo intau moraat inta ain sinantú tumuot kon naraka in mamangoidon mopoontong in oaid monia.

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

IBRANI 12:29

Sin ki Allah naton in naonda bo tuḷu inta mokopokak.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

PETRUS 2 3:12

kon dodai in moiko mogoḷat mako bo mokotanob kon koangoian in Singgai i Allah. Kon Singgai tatua ḷangit modait mopokak, bo popisí patúnea tatua, dá bayongan in yagi-yagi kon ḷangit modait motatom.

YOHANES 1 4:17

Tabi in binaḻídon nosompurna kon i naton, sinbá oyúondon in kabaranian naton kon Singgai Ponantúan. Oyúon in kabaranian naton, sin kobiagan naton kon dunia naa in notongkaidon ná kobobiag i Kristus.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

WAHYU 17:11

Bo mahaḷuk inta perna nobiag koḻipod, táe diádon in tanaa mako, tua in datu inta iwaḷunea. Sia tua in tobatúbí doman datu kon sigad nayapitu tua, inta masa naa koyogot mayá in tampat koyoyangan monia.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.