PETRUS 2 3:17 - Alkitab Singog In Mongondow Masa In Tanaa

¹⁷ Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

PETRUS 2 3:17 Mawu Ofanana

AMSAL 1:17

Sin umpakabí ḷagapan yo doíbí in dumangat kon bonu in pukot inta ain sinongká kon tayowonnea,

MATIUS 16:11

Nongonu sin diábí kinotaauan monimu kon deemanbí roti imakusud-Ku naa? Táe Akuoi in moguman kon i monimu kon mokopoingatdon kon oaid in intau in Parisi bo Saduki.”

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

GALATIA 5:4

Aka moiko bo moramuji dumudui kon hukum i Musa sinbá posaḷamaton, yo tua in mangaḻenea hubungan monimu takin i Kristus in nobontowdon. Bo aka natua yo moiko in nobiag bidon kon ḷuai in totabi i Allah.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

PILIPI 3:2

Mokopoingatdon kon i monia inta umuran mogaid kon inta diá mopia, mosia inta motaaudon tangoion ‘ungkú’. Mosia inta umuran momakisa kon bá sunatondon mita in bayongan intau.

KOLOSE 2:5

Sin umpakabí kita nogiyayúan, táe anggapdon in akuoi nionbí kon yua-yuak monimu. Bo mopiabí totok in ginaku in mokoontong kon i monimu motobatú kon gina bo umuran moropot in pirisaya monimu kon i Kristus.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

TIMOTIUS 2 4:15

Iko tontaní in musti mokopoingat totok kon inia, sin sia in totokdon in momayow kon habar inta pinoyaput naton.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

PETRUS 1 5:9

Ḷawang in sia takin pirisayamu inta moroton, sinbá kotaauandon monimu kon utat mita naton inta mopirisaya kon i Kristus kon bayongan dunia naa in nokorasa doman kon Roriga naonda bo moiko.

PETRUS 2 2:7

Táe ki Lot in pinosaḷamat sin sia in dinumudui kon singog i Allah; mororiga totok in ginanea sin umuran mokoontong kon aid mita mokotor inta pinomia in intau mita inta moromú.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.