PETRUS 2 3:14 - Alkitab Singog In Mongondow Masa In Tanaa

¹⁴ Manangka intua, Uḻe utatku mita inta kinotabiku, wakutu in moiko mogoḷatpa mako kon koangoian in Singgai tatua, yo poramujibí totu-totuu sinbá mobiag modarit takin diábí in mokotor kon tayowon i Allah. Bo ḷukadaibí in hubungan mopia takin i Allah.

PETRUS 2 3:14 Mawu Ofanana

MATIUS 24:26

Aka intau moguman kon i monimu, ‘Indoiai, Sia intua kon Padang gurun!’ – dikabí moiko mayá intua. Andeka, kai monia, ‘Indoiai, Sia intua kon bonu in yuang!’ – dikabí in moiko mopirisaya.

MATIUS 25:7

Dá mongodeaga mita tatua norobangon bo noponugung in ḷana kon togá monia.

LUKAS 12:43

Mosanang totok in bobantung inta kino angoianmai i tuangnea umuranpa mogaid kon oaidan inta pinoki aid i tuangnea!

LUKAS 2:29

“Tanaa mako Tuhan, aindon inaidan-Mu onu inta pinodandi-Mu. Tuamain pomayádon mako in bobantung-Mu naa matoi takin pia in gina.

KORINTUS 1 1:8

Bo ki Kristusbí doman tua inta tantú moginrigon kon gina monimu modapot kon singgai pangabisan; sahingga aka mamangoidon bui in Sia yo diá kouḻían-Nea in moiko kon taḷá tobatúmai.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

PILIPI 1:10

Sahingga in kotaauandon monimu in momiḻí kon onu inta totok in mopia, bo kobobiagmu in diádon singkuḻeon ande poponapudan in onuka kon singgai ki Kristus moiangoidon bui.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.

PILIPI 3:20

Táe kita in mobaḻíbí umat in soroga. Nongkon tua doman Datu Mopoposaḷamat naton, ki Tuhan Yesus Kristus in mamangoi. Sia tuata inta tantú oḷaton mako naton.

TESALONIKA 1 3:13

Aka natua yo irigonan i Tuhan in gina monimu, sahingga in modaritdon totok in kobobiag monimu bo diá bidon in inta diá mopia in aidan monimu kon tayowon i Allah, ki Amá naton, kon wakutu in ki Tuhan naton ki Yesus mamangoi bui moyotakin in bayongan intau inta ain nobaḻí umat-Nea.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TIMOTIUS 1 6:14

Duduiaibí in bayongan parenta tanaa, dikabí tobatúmai in taḻiban modapot kon singgai koangoian bui i Tuhan naton ki Yesus Kristus.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

PETRUS 2 3:16

Kon bayongan surat i Paulus tua mita umuranbí pinaisnea. Bo totuubí kon oyúon in tongonumai nohal kon suratnea mita in mororiga totok komangaḻean in bonunea tua. Bo inta mororiga totok komangaḻean tatua, sinokotuui in intau mita inta diá nonotaau kon onu bo onu bo inta diá noroton in pirisayanea. Soaḷ mita tatua in diá bidon mokoherang, sin bonupa in Buk Motusi ramujion doman monia pomiaan natua. Tongá oaid monia tatua in mokoboditobí doman kon i monia tontaní.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.