PETRUS 2 3:10 - Alkitab Singog In Mongondow Masa In Tanaa

¹⁰ Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

PETRUS 2 3:10 Mawu Ofanana

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

MAZMUR 46:6

Ki Allah in nogutun kon tua, dá kotá tatua in diábí moinggamá; Tuḷungan-Neabí kon dodai in modiugdon mobayag.

MAZMUR 97:5

Buḷud mita in iḷumoḷayat naonda bo lilin kon tayowon i Tuhan, kon tayowon i Tuhan, mongongawasa in sinangkub in butá.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 24:19

Butá naa in moḷau, moromput bo moḻiai.

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YOËL 2:1

Irupdon in torompet, posingogdon in tomponuot in anib kon tombuḷud in Sion inta motusi, pinogutunan i Allah. Kourotdon, ei intau in Yohuda! Sin Singgai i Tuhan in nodiug bo ḷagidon moiangoi.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

AMOS 9:13

Ki Tuhan in noguman, “Moiangoibí in wakutunea gandum in mobiag totuu moḻikat dá singgai ponoḻisían kon bungai in boyó diádon mobonto-bontow. Pangkoi in anggur in mobiagbí ḷagi totok in moḷoben dá intau in tantúdon momia kon tubig in anggur. Tubig in anggur in mototuyú nongkon buḷud mita bo moiḻig nongkon tombuḷud mita.

AMOS 9:5

Butá modandú bo intaunea in monogumatoi, popisí in iḻiai i Tuhan Inta Totok in moḷantud bo Inta Totok in mokawasa. Naonda bo Ongkag in Nil moponik bo moponag natua doman in mosia moponik bodongka moḷabú.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MARKUS 13:31

Ḷangit bo butá in moinggamábí, táe singog-Ku in mononoibí.”

LUKAS 12:39

Torop in singog-Ku tanaa! Aka kuma bo kotaauandon muna i togi baḷoi in jam koangoian in mononakow, yo diábí pomayá mako i togi baḷoi in mononakow tatua tumuot kon baḷoinea.

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

KORINTUS 1 1:8

Bo ki Kristusbí doman tua inta tantú moginrigon kon gina monimu modapot kon singgai pangabisan; sahingga aka mamangoidon bui in Sia yo diá kouḻían-Nea in moiko kon taḷá tobatúmai.

KORINTUS 1 5:5

intau tatua in musti posarakan monimu kon Ibilis sinbá moyoyang in awaknea táe rohonea in posaḷamaton kon wakutu in koangoian i Tuhan bui.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

TESALONIKA 1 5:4

Táe aka moiko yo deemanbí intau inta nobiag kon sindip, sahingga in singgai tatua diábí mokotaḻikokog kon i monimu naonda bo koangoi in mononakow.

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

PETRUS 2 3:12

kon dodai in moiko mogoḷat mako bo mokotanob kon koangoian in Singgai i Allah. Kon Singgai tatua ḷangit modait mopokak, bo popisí patúnea tatua, dá bayongan in yagi-yagi kon ḷangit modait motatom.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.

WAHYU 6:14

Ḷangit in kinimiot naonda bo karatas inta iḻitod. Bayongan in buḷud bo pulau nodait pinamping nongkon tampatnea mita.