PETRUS 2 2:8 - Alkitab Singog In Mongondow Masa In Tanaa

⁸ Saḷaku intau mopia inta nobiag kon yua-yuak in intau moraat natua, moajar totok in gina i Lot sin pomuḷoi in singgai umuran mokoontong mako kon intau mita inta mongoromú tatua.

PETRUS 2 2:8 Mawu Ofanana

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 119:139

Torúku in modokot kon bonu in ginaku popisí in musungku nokoḻiong kon totundú-Mu.

MAZMUR 119:158

Moyaatbí in ginaku in mokoontong kon momomaḻidawan mita tatua, sin mosia tua in diábí dinumudui kon totundú-Mu.

AMSAL 25:26

Intau mopia inta tumungkud kon intau moromú in naonda bo bokaká inta noḷobog andeka parigí inta nokarensó.

AMSAL 28:12

Aka intau mopia in mongawasa, bayongan intau in mosanangbí, aka intau moraat in momarenta, yo rayat in mogadopbí.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

TIMOTIUS 1 1:9

Tantú mustibí kotaauan naton kon hukum i Musa in pinomia deemanbí pinopomakusud kon intau mita inta mopia, táe kon i moniabí inta moibog momaḷawang kon hukum, kon i monia inta moraat, kon i monia inta diá mopirisaya kon i Tuhan, kon i monia inta umuran mogaid kon inta noitaḷá, kon i monia inta tongá umuran morai kon in dunia naa, kon i monia inta diá nonotaau in agama, kon i monia inta moḷoḻimod kon guyanga ḷoḷaki bo bobay, bo inta kino ḻimo-ḻimodnea kon intau,

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.