PETRUS 2 2:21 - Alkitab Singog In Mongondow Masa In Tanaa

²¹ Maníka intau mita natua in diádon kon dodai in onda in nonotaau kon onu inta noitutui inta sinundú i Tuhan dika in nonotaaudon táe doíbí dinumudui kon parenta-Nea mita inta ain pinotaau kon i monia.

PETRUS 2 2:21 Mawu Ofanana

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 85:8

Poontongdon kon Iko in tantúbí monotabi, o Tuhan, ogoiaidon in kami in kasaḷamatan nongkon ini-Mu.

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

AMSAL 16:31

Intau mojujur in ogoianbí in umur moḷanggó; ubannea in naonda bo mahkota inta mopouḻi-uḻinag.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

YEHEZKIEL 23:13

Inontong-Ku kon ki Oholiba in totuu mokotor ná ki guya-guyangnea.

YEHEZKIEL 3:20

Aka intau inta mopia momangkoidon momia kon dosa, bo sia in potayow-Ku kon anib, dá sia in matoibí aka iko in diá mopotoingat kon inia. Sia in matoibí popisí in dosanea mita, bo aidnea mita inta mopia in diá bidon toropon-Ku. Táe totaau kon kinopatoiannea in moibaba kon inimu.

YEHEZKIEL 33:13

Aka Akuoi in modandi kon moposaḷamatbí kon intau inta mopia, táe aka sia momangkoidon momia kon dosa bo moharap mako kon sia in posaḷamatonbí popisí in aidnea mopia dungkuḷmai, yo notoboḻingodon in sia. Diá bidon toropon-Ku in aidnea inta mopia dungkuḷmai bo matoibí in sia popisí in dosanea mita.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

MATIUS 21:32

Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

LUKAS 12:47

Bobantung mita inta ain nonotaau kon onu in kinoibog i tuangnea táe diá mobasadia bo diá doman mogaid kon inta kinoibog i tuangnea tua, yo sia in totokbí in ḷuntaan.

YOHANES 15:22

Aka kuma bo Akuoi in diá namangoi bo diá doman nopotaau intua komintan kon i monia, dá diábí in mosia baradosaan. Táe aka tanaa, yo diá bidon in baḻíon monia dodoyonan moguman kon diá dosaan in mosia.

YOHANES 9:41

Ki Yesus in notubag, “Aka kuma bo moiko bilog, yo diábí in moiko binaradosa. Táe popisíbí in moiko noguman, ‘kami mokoontongbí,’ dá tua in mangaḻenea moiko in binaradosapa.”

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

TESALONIKA 1 4:2

Sin kinotaauan bidon monimu in totundú mita inta pinotaau nami kon i monimu pinodudui in kawasa i Tuhan Yesus.

TIMOTIUS 1 6:14

Duduiaibí in bayongan parenta tanaa, dikabí tobatúmai in taḻiban modapot kon singgai koangoian bui i Tuhan naton ki Yesus Kristus.

IBRANI 10:26

Sin aka habar inta mobanar nongkon i Allah ain pinotaau kon i naton, táe umuranpa doman tumuod in kita in mogaid kon dosa, dá diá bidon in kuruban inta pomopat kon dosa naton.

YAKOBUS 4:17

Tuamai, intau inta kinotaauannea in mopia, táe diá aidannea, yo binaradosa in intau tatua.

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.