PETRUS 2 2:15 - Alkitab Singog In Mongondow Masa In Tanaa

¹⁵ Popisí in mosia bo doí dumudui kon onu inta noitutui, dá noiḷangkamdon in mosia. Mosia in dinumuduidon kon i Bileam ki adí Beor tungkuḷ intua. Ki Bileam naa in moibog totok tondanan sinbá mogaid kon inta moraat.

PETRUS 2 2:15 Mawu Ofanana

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

NEHEMIA 13:2

sin kon tungkuḷ in bangusa in Israel kon daḷan iḻumuai nongkon Mesir, bangusa doyowa tatua in diábí nobogoi in kaanon bo tubig kon bangusa tatua. Nodapotbí in mosia nonondan kon i Bileam sin mongutuk kon bangusa in i Israel, táe binaḷuaian i Allah in kutuk tatua nobaḻí barakat.’

AMSAL 28:4

Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 22:23

Nokoontongmai kon malaekat inta sinimindog kon tua kokada-kadai in pitow inta ain sinonggó, keledai tatua sinumabat kon daḷan, bo nomurow sinumuot in gobá. Binout i Bileam in keledai tatua bo dinianea bui pinobayá in daḷan.

PINOGIAPAN 22:28

Bo binaḻí i Tuhan in keledai tatua notaau nosingog. Guman in keledai tatua kon i Bileam, “Onu in taḷáku kon i Tuang nodapot in kotoḷudon i Tuang binout in akuoi?”

PINOGIAPAN 22:32

Malaekat i Tuhan noḻibó, “Nongonu sin kotoḷu bidon binongkugmubí in keledaimu? Akuoi namangoi sin moḷamboi kon bayáanmu, sin aka kon i-Nakó, yo diábí mopia aka mayá in iko.

PINOGIAPAN 31:16

Diá kinotaauan monimu kon bobay mita tatua in dinumudui domandon kon tonggina i Bileam, inta nodondouḷugdon kon umat Israel kon Peor sin monaḷámai kon i Tuhan? Bo tuata in nokopopisí kon umat i Tuhan kinoantugan in bodito!

MATIUS 26:9

Ḷana tanion motaaubí potaḷuimu bo doit boḻinea in motaaumu ogoi kon intau inta nongobogá!”

OUMAN IN RASUL MITA 1:18

Ki Yudas naa in aindon nokouḻí kon butá pinoḷobongan kon inia, butá boḻi in oaidnea inta moraat. Sia in noḷabú noitongkob bo siannea in nobotak, dá bayongan bonu in siannea noiḷuai komintan.

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

PETRUS 2 2:13

Saḷaku tontuḻí in aid monia inta mongoromú tua, yo mosia in mokorasabí kon roriga. Aka kon i monia yo soaḷ mita inta mokosanang kon gina monia in mogaidbí kon onukabí kon wakutu in singgaipa sin mopoorop kon ibog in awak monia. Aka mosia ḻimitú moyotakin monimu kon rame bo mongaan moyotakin, yo oaid monia tua in mokobú lantaran mosia moḷoḷangu in ibog awak monia.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.