PETRUS 2 1:5 - Alkitab Singog In Mongondow Masa In Tanaa

⁵ Manangka intua poramujidon totu-totuu sinbá umuran mopirisaya in moiko kon i Kristus bo mogaid doman kon inta mopia sin pirisaya monimu tatua. Bo poramuji doman bá mobaḻí intau mopandoi,

PETRUS 2 1:5 Mawu Ofanana

MAZMUR 119:4

Iko in nobogoi kon inami in hukum-Mu, o Tuhan, sinbá aidan nami intua takin mokopotoḷutui.

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

ZAKHARIA 6:15

Intau mita in mamangoibí nongkon tampat inta moyayú bo moduḷu moposindog in Baḷoi-Ku. Aka baḷoi tatua moḷapatdon, yo kotaauandon monia kon Akuoi ki Tuhan Inta Totok in mokawasa in nopotabádon kon inimu namangoi kon i monia. Tua komintan in mobaḻíbí aka mosia in totu-totuu dumudui kon parenta-Ku, ki Tuhan Allah monia.”

LUKAS 16:26

Apapa doman kon sigad nami bo inimu oyúondon irang inta diá motaau bayáan. Tua in mangaḻenea sinbá intau inta nongkon naa diá motaau mayá in nion bo intau inta nongkon nion diá motaau mamangoi in naa!’

LUKAS 24:21

Bokaka aindon i harap mako nami kon Siabí tua inta mamangoi bo moposaḷamat kon Israel. Singgai naa in singgaidon kon intoḷunea nongkon kinobaḻian intua komintan.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

PILIPI 1:9

Naabí in sambayangku kon i monimu: Igumon mako doa, moiko in totu-totuudon motabi kon i Allah bo kon tumpaḷa intau bo umuran doman modugang in pongotahuan monimu kon soaḷ inta mopia bo pororai inta mobijaksana.

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

YOSUA 7:3

mosia nopotaau kon i Yosua. Mosia noguman, “Dikadon in kita mayá komintan monubu kon Ai. Potabádon in doyowa ande toḷu noribu in intau. Dika daiton potabá in tontara mayá intua moparang, sin nointokbí in kotá tatua.”

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

PETRUS 2 1:10

Tuamai utatku mita, poramuji totok, sinbá moiko inta ain inoiní bo piniḻí i Allah in morotondon totok in pirisayamu. Aka aidan monimu intua komintan, yo diá bidon mobaḷui in pirisayamu.

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.

PETRUS 2 3:14

Manangka intua, Uḻe utatku mita inta kinotabiku, wakutu in moiko mogoḷatpa mako kon koangoian in Singgai tatua, yo poramujibí totu-totuu sinbá mobiag modarit takin diábí in mokotor kon tayowon i Allah. Bo ḷukadaibí in hubungan mopia takin i Allah.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus